News Continuous Bureau | Mumbai
USIran War| અમેરિકી રાષ્ટ્રપતિ ડોનાલ્ડ ટ્રમ્પે ઈરાન સામે ફરીથી યુદ્ધ શરૂ કરવાના સંકેત આપીને વૈશ્વિક સ્તરે હલચલ મચાવી દીધી છે. વ્હાઇટ હાઉસના ઓવલ ઓફિસમાં પત્રકારો સાથે વાત કરતા ટ્રમ્પે જણાવ્યું હતું કે, અમેરિકા ઈરાન વિરુદ્ધ સૈન્ય કાર્યવાહી પર વિચાર કરી શકે છે. તેમણે ઈરાનના નેતૃત્વમાં ચાલી રહેલી અનિશ્ચિતતા તરફ ઈશારો કરતા કહ્યું કે, ત્યાં ખરેખર શાસન કોણ ચલાવી રહ્યું છે તે કોઈને ખબર નથી.
સૈન્ય ઓપરેશન અને યુદ્ધની શક્યતા
ડોનાલ્ડ ટ્રમ્પે ફરીથી યુદ્ધ શરૂ કરવાની શક્યતાને નકારી નથી. તેમણે કહ્યું, “મને ખબર નથી કે આપણને તેની જરૂર પડશે કે નહીં, પરંતુ કદાચ આપણને તેની જરૂર પડી શકે છે.” જોકે, ટ્રમ્પે તેને ‘યુદ્ધ’ કહેવાને બદલે ‘મિલિટ્રી ઓપરેશન’ કહેવાનું વધુ પસંદ કર્યું હતું. તેમના મતે, ઈરાન પર લાદવામાં આવેલી આર્થિક નાકાબંધી ખૂબ જ સફળ રહી છે અને તેની અસર ઈરાનની સૈન્ય ક્ષમતા પર સ્પષ્ટપણે જોવા મળી રહી છે.
ઈરાનની સૈન્ય અને આર્થિક સ્થિતિ પાયમાલ
ટ્રમ્પનો દાવો છે કે અમેરિકી નાકાબંધીને કારણે ઈરાનની અર્થવ્યવસ્થા તબાહ થઈ ગઈ છે. તેમને તેલના વેચાણમાંથી કોઈ આવક મળી રહી નથી. ટ્રમ્પે આંકડા આપતા જણાવ્યું કે, ઈરાનની નેવી અને એરફોર્સ લગભગ ખતમ થઈ ચૂકી છે. તેમની ડ્રોન ફેક્ટરીઓ 82% અને મિસાઈલ ફેક્ટરીઓ 90% સુધી બંધ થઈ ગઈ છે. આ જ કારણ છે કે ઈરાન હવે કોઈપણ ભોગે અમેરિકા સાથે સમજૂતી કરવા માટે બેકરાર છે.
માનવાધિકાર ઉલ્લંઘનનો ગંભીર આક્ષેપ
ટ્રમ્પે તેહરાનના ઇસ્લામિક શાસન પર પોતાના જ લોકોનું દમન કરવાનો આક્ષેપ લગાવ્યો છે. તેમણે દાવો કર્યો કે છેલ્લા બે મહિનામાં ઈરાનમાં આશરે 42,000 લોકોની હત્યા કરવામાં આવી છે, જે આંકડો ઈરાન સરકાર દ્વારા બતાવવામાં આવેલા આંકડા કરતા ઘણો વધારે છે. ટ્રમ્પે સ્પષ્ટ કર્યું કે ઈરાનને પરમાણુ હથિયાર હાંસલ કરવાની મંજૂરી કોઈપણ સંજોગોમાં આપવામાં આવશે નહીં.
👉 આ સમાચાર વાચો:
Sri Lanka Cricket Controversy। શ્રીલંકા ક્રિકેટમાં શરમજનક ઘટના મહિલા ખેલાડીઓનો બાથરૂમ વીડિયો બનાવતા બે અંડર19 ક્રિકેટરોની ધરપકડ
