News Continuous Bureau | Mumbai
મેટ લિપસ્ટિક(Matte Lipstick) લાંબો સમય ટકે છે અને લુકને પ્રોફેશનલ બનાવે છે, પરંતુ તે હોઠની કુદરતી ભેજ શોષી લે છે. જેના કારણે હોઠ પર પપડી જામવા લાગે છે. જો તમે લિપસ્ટિક લગાવતી વખતે કેટલીક સાવચેતી રાખો, તો તમે પણ ફાટેલા હોઠની(lips) ચિંતા વગર તમારો ફેવરિટ શેડ ફ્લોન્ટ કરી શકો છો.
હોઠને એક્સફોલિએટ (સ્ક્રબ) કરવાનું ભૂલશો નહીં
મેટ લિપસ્ટિક હોઠની ફાઈન લાઈન્સને વધુ ઉભારી દે છે. તેથી લિપસ્ટિક(lipstick) લગાવતા પહેલા હોઠ પરની ડેડ સ્કિન હટાવવી જરૂરી છે. તમે ઘરે જ ખાંડમાં થોડું મધ અથવા નાળિયેર તેલ ભેળવીને હળવા હાથે સ્ક્રબ કરી શકો છો. આનાથી હોઠની ત્વચા એકદમ સ્મૂધ થઈ જશે અને લિપસ્ટિકનું ફિનિશિંગ સરસ આવશે.
લિપ બામ અને લિપ પ્રાઈમરનો ઉપયોગ
સ્ક્રબિંગ પછી હોઠને મોઇશ્ચરાઇઝ કરવા માટે સારી ક્વોલિટીનું લિપ બામ લગાવો. લિપસ્ટિક લગાવવાની 10 મિનિટ પહેલા બામ લગાવો અને પછી ટિશ્યુ પેપરથી વધારાનું બામ લૂછી લો. આ ઉપરાંત, જો તમે લિપ પ્રાઈમરનો ઉપયોગ કરશો તો તે હોઠ અને લિપસ્ટિક વચ્ચે સુરક્ષા કવચ બનાવશે, જેનાથી હોઠ સુકાશે નહીં.
લિપસ્ટિક હટાવવાની સાચી રીત
ઘણીવાર મહિલાઓ મેટ લિપસ્ટિકને રગડીને સાફ કરે છે, જે હોઠને નુકસાન પહોંચાડે છે. તેને હટાવવા માટે હંમેશા નાળિયેર તેલ અથવા ક્લીન્ઝિંગ ઓઈલનો ઉપયોગ કરો. રાત્રે સૂતા પહેલા લિપ માસ્ક અથવા બદામનું તેલ લગાવો જેથી આખી રાત હોઠ રિપેર થઈ શકે. લિપસ્ટિક ખરીદતી વખતે તેમાં વિટામિન-ઈ અથવા શિયા બટર હોય તેનું ધ્યાન રાખવું જોઈએ.
👉 આ સમાચાર વાચો:
Summer Food Combinations to Avoid। ઉનાળામાં આહાર બાબતે રાખો ખાસ સાવધાની આ ‘ઝેરી’ ફૂડ કોમ્બિનેશનથી બચો, નહીં તો હોસ્પિટલના ચક્કર કાપવા પડશે
