News Continuous Bureau | Mumbai
Chaitra Navratri 2024 Day 7: હાલના દિવસોમાં ચૈત્ર નવરાત્રીનો પવિત્ર તહેવાર ઉજવવામાં આવી રહ્યો છે. નવરાત્રિના 9 દિવસ દરમિયાન માતાના 9 સ્વરૂપોની વિધિ-વિધાન સાથે પૂજા કરવામાં આવે છે. આજે 15 એપ્રિલ નવરાત્રિનો સાતમો દિવસ છે. નવરાત્રિના સાતમા દિવસે માતા કાલરાત્રીના સાતમા સ્વરૂપની પૂજા કરવામાં આવે છે. આ દિવસ મા કાલરાત્રીને સમર્પિત છે.
મા કાલરાત્રી ( Maa Kalratri ) નું સ્વરૂપ
મા કાલરાત્રીનું સ્વરૂપ અત્યંત ઉગ્ર અને ભયાનક છે. તેમને ત્રણ આંખો છે. માતા કાલરાત્રીના ગળામાં માળા છે. તેમના હાથમાં તલવાર અને કાંટો છે અને તેનું વાહન ગધેડો છે. પરંતુ માતા કાલરાત્રી હંમેશા ભક્તોનું કલ્યાણ કરે છે. તેથી જ તેમને શુભંકારી પણ કહેવામાં આવે છે. તેમનો રંગ કાળો હોવાને લીધે તેઓ કાલરાત્રી તરીકે નામના પામ્યા છે. અસુરોના રાજા રક્તબીજનો વધ કરવા માટે દેવી દુર્ગાએ પોતાના તેજથી માતા કાળરાત્રિને ઉત્પન્ન કર્યા હતા.
મા કાલરાત્રીની પૂજા વિધિ ( Maa Kalratri Puja vidhi )
માતાની સામે ઘીનો દીવો પ્રગટાવો. માતાને લાલ ફૂલ અર્પણ કરો. ગોળ પણ ચઢાવો. માતાના મંત્રનો જાપ કરો અથવા સપ્તશતીનો પાઠ કરો. અર્પણ કરેલો ગોળ નો અડધો ભાગ પરિવારમાં વહેંચો. બાકીનો અડધો ગોળ બ્રાહ્મણને દાનમાં આપી શકાય છે. કાળા કપડા પહેરીને અથવા કોઈને નુકસાન પહોંચાડવાના હેતુથી પૂજા ન કરો.
આ સમાચાર પણ વાંચો : Share Market News: શેર બજારમાં મોટો ધબડ્કો, લાખના 12000 થયા. જાણો વિગત.
શત્રુઓ અને વિરોધીઓ પર કાબૂ મેળવવા માટે મા કાલરાત્રીની પૂજા ખૂબ જ શુભ છે. તેમની પૂજાથી ભય, અકસ્માત અને રોગોનો નાશ થાય છે. કાલરાત્રિની પૂજા કરવાથી નકારાત્મક ઉર્જા કે તંત્ર-મંત્રની કોઈ અસર થતી નથી. જ્યોતિષશાસ્ત્રમાં શનિ ગ્રહને નિયંત્રિત કરવા માટે તેની પૂજા કરવાથી અદ્ભુત પરિણામ મળે છે.
શુભ મુહૂર્ત ( Shubh Muhurat )
બ્રહ્મ મુહૂર્ત સવારે 04.26 am – 05.11 am
અભિજિત મુહૂર્ત સવારે 11.56 am – 12.47 pm
સંધિકાળનો સમય સાંજે 06.46 – સાંજે 07.08
વિજય મુહૂર્ત બપોરે 02.30 થી 03.21 વાગ્યા સુધી
અમૃત મુહૂર્ત રાતે 12.32 am- 2.14 am, 16 એપ્રિલ
નિશિતા કાલ મુહૂર્ત રાતે 11.58 – 12.43 am, 16 એપ્રિલ
આજનો ઉપાય
આજે દેવી કાલરાત્રિને પ્રસન્ન કરવા માટે લાલ ચંદનની માળાથી ‘ઓમ હ્રીં શ્રીં ક્લીમ દુર્ગતિ નાશિનાય મહામાયાય સ્વાહા’ મંત્રનો 108 વાર જાપ કરો. જો લાલ ચંદનની માળા ઉપલબ્ધ ન હોય તો રુદ્રાક્ષની માળાનો પણ ઉપયોગ કરી શકાય છે. આના કારણે દુષ્ટ શક્તિઓ ભટકતી નથી, વ્યક્તિ દરેક કાર્યમાં વિજયી બને છે.
(Note: અહીં આપવામાં આવેલી માહિતી સામાન્ય માન્યતાઓ અને માહિતી પર આધારિત છે. અમે તેની પુષ્ટિ કરતા નથી.)
