281
Join Our WhatsApp Community
News Continuous Bureau | Mumbai
Shardiya Navratri Rules: હિન્દુ સંસ્કૃતિનો સૌથી વિશેષ તહેવાર નવરાત્રી થોડા દિવસ પહેલા શરુ થઇ ગયો છે. અશ્વિન મહિનાના શુક્લ પક્ષની નવરાત્રીને શારદીય નવરાત્રી પણ કહેવામાં આવે છે, ત્યારબાદ વિજયાદશમીનો તહેવાર પણ ઉજવવામાં આવે છે. આ નવ દિવસો દેવી દુર્ગા(Devi Maa Durga)ની ઉપાસના અને અમર્યાદિત ભક્તિથી ભરેલા હોય છે.
આ વર્ષે શારદીય નવરાત્રી15 ઓક્ટોબરથી શરૂ થઇ ચૂકી છે અને 24 ઓક્ટોબરે દશેરા સાથે સમાપ્ત થશે. આ નવ રાતોમાં માતા અંબેની આરાધના સાથે ઉપવાસ અને પૂજાનો પણ નિયમ છે. વ્યક્તિએ પોતાના વર્તન અને અમુક ક્રિયાઓનું ખાસ ધ્યાન રાખવું પડશે, જેથી ઘરે આવનાર માતા ગુસ્સે ન થાય. જાણો આ શારદીય નવરાત્રી(Shardiya Navratri) માં શું કરવું અને શું ન કરવું?
ભૂલથી પણ ન કરો આ કામ
તામસિક ભોજનનુ સેવન
નવરાત્રીના નવ દિવસોને સૌથી પવિત્ર દિવસોમાં ગણવામાં આવે છે અને આ દિવસોમાં ખાસ કરીને ઉત્તર ભારતમાં માંસાહારી ખોરાક ખાવા પર પ્રતિબંધ છે. ઘરમાં દરરોજ મા દુર્ગાની પૂજા(Maa Durga puja) કરવાની સાથે સાથે કોઈ પણ તામસિક ખોરાક કે દારૂનું સેવન ન કરવાનું ધ્યાન રાખો.
ચામડાની વસ્તુઓનો ઉપયોગ
અસલ ચામડું પ્રાણીની ચામડીમાંથી બનાવવામાં આવે છે. આવી સ્થિતિમાં નવરાત્રી દરમિયાન ચામડાની વસ્તુઓનો ઉપયોગ ન કરો તેનું ધ્યાન રાખો. તે અશુદ્ધ છે અને તેનો ઉપયોગ ઘરમાં નકારાત્મકતા લાવી શકે છે અને દેવી માતાને ક્રોધિત કરી શકે છે.
ખોરાકનો બગાડ ટાળો
કોઈપણ ધાર્મિક કાર્યમાં જરૂર કરતાં વધુ ભોજન બનાવવાની આપણને ટેવ હોય છે. પરંતુ નવરાત્રી દરમિયાન ભોજનનો બગાડ ન થાય તેનું ધ્યાન રાખો. જો વધુ પડતો ખોરાક હોય, તો તે તાજુ હોય ત્યારે તેને જરૂરિયાતમંદ અથવા માતા ગાયને ખવડાવો.
નખ અને વાળ ન કાપો
હિંદુ ધાર્મિક માન્યતા (Hindu religious belief)મુજબ કોઈપણ વ્રત દરમિયાન નખ કે વાળ ન કાપવા જોઈએ. નવરાત્રી એ નવ દિવસના ઉપવાસનો તહેવાર પણ છે, તેથી આ સમયગાળા દરમિયાન વાળ અને નખ કાપવાનું પણ ટાળો.
નવરાત્રી દરમિયાન કરો આ કામ
નિયમિત સ્નાન
નવરાત્રીની નવ રાત પવિત્રતાનું પ્રતિક છે. આ સમયગાળા દરમિયાન, ઘરની સ્વચ્છતા સાથે, શારીરિક સ્વચ્છતાનું પણ વિશેષ ધ્યાન રાખો. દરરોજ સવારે સ્નાન કરો અને સ્વચ્છ વસ્ત્રો પહેરો અને દેવી માતાની પૂજા કરો અને તેમનું ધ્યાન કરો.
ગુસ્સા પર નિયંત્રણ
નવરાત્રીના પવિત્ર નવ દિવસો(nine days) દરમિયાન વ્યક્તિએ પોતાના વર્તન અને ઇન્દ્રિયો પર નિયંત્રણ રાખવું જોઈએ. આ સમય દરમિયાન ક્રોધ, લોભ, ઈર્ષ્યા, આસક્તિ, વાસના, અસત્ય જેવા વ્યવહારથી દૂર રહેવું જોઈએ અને મનમાં આવા વિચારો પણ ન લાવવા જોઈએ.
પૂજાના નિયમોનું પાલન કરો
નવરાત્રીના તમામ નવ દિવસોમાં મા દુર્ગાની પૂજાના નિયમો(Rules of worship)નું યોગ્ય રીતે પાલન કરો. જો તમે અખંડ જ્યોત કરતા હોય તો નવ દિવસ સુધી ઘરને ક્યારેય ખાલી ન રાખો. આ સાથે સવાર-સાંજ સાચી ભક્તિ સાથે દેવી માતાની પૂજા કરો.
આ સમાચાર પણ વાંચોઃ Navratri : આજે નવરાત્રીનો ત્રીજો દિવસ, જાણો શુભ સમય, માતા ચંદ્રઘંટાનું સ્વરુપ, શુભ રંગ અને મંત્ર
