News Continuous Bureau | Mumbai

 Nokia feature phone : સ્માર્ટફોન નિર્માતા કંપની નોકિયા તેના ચાહકો માટે ભેટ લઈને આવી છે. HMD એ ભારતીય બજારમાં નવો ફીચર ફોન લોન્ચ કર્યો છે. , જેનું નામ છે Nokia 3210 4G. આ એક ખૂબ જ આઇકોનિક ફીચર ફોન છે જે હવે નોકિયા દ્વારા નવા ફીચર્સ સાથે લોન્ચ કરવામાં આવ્યો છે. આ ફોનને પહેલા પણ ભારતીય માર્કેટમાં ખૂબ પસંદ કરવામાં આવ્યો હતો અને હવે ફરી તેની એન્ટ્રી થઈ છે. હવે તે અપડેટેડ ફીચર્સ સાથે આવ્યો છે.

 Nokia feature phone :નોકિયા 3210 4G વિશિષ્ટતાઓ

જો આ ફોનના સ્પેસિફિકેશન વિશે વાત કરીએ  આ ફોન S30+ સોફ્ટવેર પર કામ કરે છે. આમાં તમને 128 MB સ્ટોરેજ આપવામાં આવ્યું છે. માઇક્રો એસડીની મદદથી તમે સ્ટોરેજને 32 જીબી સુધી વધારી શકો છો. Nokia 3210 4Gમાં 2MP રિયર કેમેરા છે, આ કેમેરાની સાથે તમને LED ફ્લેશ લાઇટ પણ મળે છે. આ ઉપરાંત  તેમાં 1450mAhની નોન-રિમૂવેબલ બેટરી છે. તેની બેટરી અંગે કંપનીનું કહેવું છે કે એકવાર ફુલ ચાર્જ થયા બાદ આ બેટરી 9.8 કલાક સુધી ચાલી શકે છે. આ બધા ફીચર્સ હોવા છતાં આ ફોનનું વજન માત્ર 62 ગ્રામ છે.

 Nokia feature phone :આ ફોનમાં પ્રીલોડેડ એપ્સ પણ છે 

આ ફોન હેન્ડસેટ બિલ્ટ-ઇન UPI સાથે આવે છે અને સ્કેન અને પે ફીચરને સપોર્ટ કરે છે. તે યુટ્યુબ, યુટ્યુબ શોર્ટ્સ, સમાચાર અને રમતો અને વધુ સહિત કેટલીક એપ્લિકેશનો સાથે પહેલાથી લોડ થયેલ છે. કંપનીએ લેટેસ્ટ Nokia 3210 4G સાથે ક્લાસિક સ્નેક ગેમનો પણ સમાવેશ કર્યો છે.

આ સમાચાર   પણ વાંચો : Apple WWDC 2024: AI ની દુનિયામાં હવે iPhoneની એન્ટ્રી, Apple iOS 18 માં આવ્યું નવુ અપડેટ, આ જોરદાર AI ફીચર્સ જોવા મળશે..

 Nokia feature phone :આ ત્રણ કલર ઓપ્શન ઉપલબ્ધ હશે

લોકો આ Nokia 3210 4G એમેઝોન ઇન્ડિયા પરથી ખરીદી શકે છે. આ ફોન એમેઝોન પરથી માત્ર 3999 રૂપિયામાં ખરીદી શકાય છે. આ એક કીપેડ ફોન છે પરંતુ   તેમાં YouTube, UPI પેમેન્ટ જેવી ઘણી નવી વસ્તુઓનો સમાવેશ થાય છે. આ ફોનમાં 2.4 ઇંચની સ્ક્રીન છે અને તે Unisoc T107 પ્રોસેસર પર ચાલે છે. Nokia 3210 4G ફોન ત્રણ રંગ વિકલ્પોમાં ઉપલબ્ધ છેઃ સ્કુબા બ્લુ, ગ્રન્જ બ્લેક અને Y2K ગોલ્ડ.