હાથીઓને સૌથી બુદ્ધિશાળી પ્રાણી માનવામાં આવે છે. તેઓ અન્ય પ્રાણીઓ કરતા વધુ હોશિયાર હોય છે અને તેઓ મનુષ્યની નકલ સરળતાથી કરી શકે છે. આવા ઘણા વીડિયો સોશિયલ મીડિયા પર વાયરલ થયા છે જ્યાં હાથીઓએ મગજ લગાવીને લોકોને આશ્ચર્યચકિત કર્યા છે. આવો જ એક વીડિયો વાયરલ થઈ રહ્યો છે, જેમાં એક હાથી પાણીની પાઇપ વડે સ્નાન કરતો જોવા મળે છે. વીડિયોમાં હાથીની બુદ્ધિમત્તા જોઈને લોકો પણ આશ્ચર્યમાં પડી ગયા છે.
I don’t support keeping wild in confinement,
But support the intelligence of elephants…marvellous creatures.
Here taking a bath on his own 😊😊 pic.twitter.com/jZvhF3OJRM— Susanta Nanda (@susantananda3) March 11, 2023
વીડિયોમાં જોવા મળી રહ્યું છે કે હાથી તેના સુંઢ વડે પાઇપ પડકીને તેમાંથી નીકળતા પાણીથી સ્નાન કરી રહ્યો છે. એટલું જ નહીં, તે આ પાઈપને તેના સુંઢ સાથે લઈ જઈ રહ્યો છે અને તેના પાણીની મજા માણી રહ્યો છે. આ વિડીયો જોઈને એવું લાગે છે કે કોઈ વ્યક્તિ તેના શરીરને પાણીથી ધોઈ રહ્યો છે અને સ્નાન કરી રહ્યો છે.
આપને જણાવી દઈએ કે આ વિડિયો ભારતીય વન સેવા અધિકારી સુશાંત નંદાએ તેમના સત્તાવાર ટ્વિટર હેન્ડલ પર શેર કર્યો છે. તેમણે કેપ્શન પણ ખૂબ સરસ લખ્યું છે. તેમણે લખ્યું કે હું તેમને કેદમાં રાખવાનું સમર્થન નથી કરતો, પરંતુ હાથીઓની બુદ્ધિમત્તાની પ્રશંસા કરવી પડે. અદ્ભુત, તેઓ જાતે જ સ્નાન કરે છે. આ પછી તેણે આ વીડિયો શેર કર્યો છે.
