News Continuous Bureau | Mumbai

iPhone SE4 Next Generation: Apple દ્વારા નવો iPhone લોન્ચ કરવામાં આવી શકે છે, જે સસ્તો હશે. આ iPhone SE4 મોડલનો નેક્સ્ટ જનરેશનનો ફોન હશે જેની કિંમત ઘણી ઓછી હશે. સૌથી મોટી વાત એ છે કે આ આવનાર iPhoneમાં સૌથી લેટેસ્ટ ફીચર્સ આપવામાં આવી શકે છે. તેની સાથે પાવરફુલ ચિપસેટ પણ ઉપલબ્ધ થઈ શકે છે. આ ફોનની ઓનલાઈન વિગતો તેના લોન્ચ પહેલા જ લીક થઈ ગઈ છે.  

9To5Macના રિપોર્ટ અનુસાર, iPhone SE 4 આવતા વર્ષે 2025માં લોન્ચ થઈ શકે છે. આ ફોનમાં તમે ઘણા મોટા ફેરફારો જોઈ શકો છો. રિપોર્ટમાં જણાવ્યા અનુસાર, આ iPhoneમાં ( Apple iPhone SE4 ) આર્ટિફિશિયલ ઈન્ટેલિજન્સ સપોર્ટ પણ આપવામાં આવશે. જે iPhone 16માં જોઈ શકાય છે. આ સાથે જ આવનારા ફોનમાં iOS 18 અપડેટ પણ આપવામાં આવી શકે છે. રિપોર્ટ્સ અનુસાર, આ ફોનની કિંમત 35 હજાર રૂપિયાથી શરૂ થઈ શકે છે. 

આ સમાચાર પણ વાંચો  : Jal Jeevan Mission: જલ જીવન મિશને 5 વર્ષના ટૂંકા ગાળામાં માત્ર 3 કરોડમાંથી 15 કરોડ ગ્રામીણ નળ જોડાણોની ઐતિહાસિક સિદ્ધિ હાંસલ કરી

iPhone SE4 Next Generation: આ નવા મોડલમાં અગાઉના મોડલની જેમ 60Hz રિફ્રેશ રેટ પણ હોય શકે છે.

Tipster Ice Universe એ iPhone SE4ની લીક થયેલી વિગતો શેર કરી છે. આ મુજબ, iPhone SE 4ની બેક પેનલ પર સિંગલ 48MP કેમેરા મળી શકે છે. એક લીક થયેલી વિગત એ પણ સામે આવી છે કે આ ફોનની iPhone 16 જેવી ડિઝાઇન હોઈ શકે છે. iPhone SE 4માં 6.06-ઇંચની ડિસ્પ્લે હોઈ શકે છે. આ નવા મોડલમાં અગાઉના મોડલની જેમ 60Hz રિફ્રેશ રેટ પણ હોય શકે છે.

આ ફોનમાં તમને A18 ચિપસેટ મળી શકે છે અને 6GB, 8GB LPDDR5 રેમ પણ  ઉપબ્ધ થઈ શકે છે. નવા iPhone SE 4માં સુરક્ષા માટે ફેસ આઈડી પણ આપવામાં આવશે. ટિપસ્ટર અનુસાર, iPhone SE 4માં એલ્યુમિનિયમ ફ્રેમ ઉપલબ્ધ થઈ શકે છે. જે હાલના iPhone લાઇનઅપની ડિઝાઇનની જેમ બનાવી શકાય છે અને Appleના આ iPhoneમાં USB Type-C પોર્ટ પણ મળી શકે છે.