News Continuous Bureau | Mumbai

YouTube: છેલ્લાં કેટલાંક વર્ષોમાં જનરેટિવ આર્ટિફિશિયલ ઇન્ટેલિજન્સ ( AI ) ખૂબ જ લોકપ્રિય બન્યું છે. શરૂઆતમાં જેટલો સારો લાગતો હતો, હવે તેટલો જ કડવો બની ગયો છે તેનો અનુભવ. ઘણા કિસ્સાઓમાં, AI નો ઉપયોગ વધુ સારો છે પરંતુ, હવે તેનો ઉપયોગ મોટાભાગે ખોટા હેતુઓ માટે થઈ રહ્યો છે. AI ની મદદથી, દરરોજ લાખો અને કરોડો નકલી કન્ટેન્ટ બનાવવામાં આવી રહ્યા છે અને આ સામગ્રી સોશિયલ મીડિયા અને વીડિયો સ્ટ્રીમિંગ પ્લેટફોર્મ પર શેર કરવામાં આવી રહી છે. હવે આને રોકવા માટે યુટ્યૂબે એક નવી ગાઈડલાઈન ( New guidelines ) જાહેર કરી છે.

YouTubeની નવી માર્ગદર્શિકા

મીડિયા અહેવાલ અનુસાર, YouTube એ જણાવ્યું છે કે, હવે તેના પ્લેટફોર્મ પર AI કન્ટેન્ટ ( AI content ) માટે કોઈ સ્થાન નથી, એટલે કે જો યુઝર્સ AI દ્વારા બનાવવામાં આવેલ વીડિયો, ફોટો અથવા કોઈ પણ વસ્તુ YouTube પર શેર કરે છે, તો YouTube આવા વીડિયોને હટાવી દેશે અથવા લેબલ લગાવી દેશે. યુટ્યૂબના નવા અપડેટમાં કહેવામાં આવ્યું છે કે જો કન્ટેન્ટ ક્રિએટર્સ ( Content creators ) AI કન્ટેન્ટ અપલોડ કરે છે, તો તેમણે જાહેર કરવું પડશે કે આ કન્ટેન્ટ AI દ્વારા બનાવવામાં આવ્યું છે, અન્યથા વીડિયો હટાવી દેવામાં આવશે.

આ સમાચાર પણ વાંચોઃ  Vinayak Chaturthi: આજે વિનાયક ચતુર્થી, ભગવાન ગણેશની પૂજાનું મહત્ત્વ, જાણો શુભ સમય અને માન્યતાઓ અંગે

યુટ્યુબે બ્લોગમાં ( blog ) આપી હતી માહિતી

અહેવાલ મુજબ, YouTube એ તેના બ્લોગમાં આ વિશે વિગતવાર માહિતી આપી છે. યુટ્યૂબે કહ્યું છે કે, જો કોઈ યુઝર કન્ટેન્ટ જોઈ રહ્યો છે તો તે તેને કહેશે કે આ કન્ટેન્ટ AIની મદદથી બનાવવામાં આવ્યું છે. ડિસ્ક્રિપશનમાં AI લેબલનો વિકલ્પ પણ હશે. YouTube એ પણ કહ્યું છે કે નવી માર્ગદર્શિકાનું પાલન ન કરનારા ક્રિએટર્સ સામે કાર્યવાહી કરવામાં આવશે. ઉપરાંત, સામગ્રી દૂર કરવામાં આવશે અથવા તે ચેનલનું મોનેટાઇઝેશન બંધ કરવામાં આવશે.

Disclaimer : Except for the headline, this story has not been edited by News Continuous staff and is published from a syndicated feed.