News Continuous Bureau | Mumbai

 Numerology:અંકશાસ્ત્ર (Numerology) મુજબ, દરેક મૂલાંકના લોકોનો સ્વભાવ અલગ-અલગ હોય છે. તેમાંથી મૂલાંક ૪ ધરાવતા લોકો તેમના સ્પષ્ટ અને વફાદાર સ્વભાવ માટે જાણીતા છે. જે લોકોનો જન્મ કોઈ પણ મહિનાની ૪, ૧૩, ૨૨ અથવા ૩૧ તારીખે થયો હોય, તેમનો મૂલાંક ૪ હોય છે. આ લોકો એકવાર કોઈના પર ભરોસો કરી લે તો તેને પૂરી નિષ્ઠાથી નિભાવે છે, પરંતુ જો તેમને છેતરપિંડીની જરા પણ ગંધ આવે, તો તેઓ સંબંધ ખતમ કરવામાં ક્ષણની પણ વાર કરતા નથી.મૂલાંક ૪ ના લોકો રાહુ (Rahu) ગ્રહથી પ્રભાવિત હોય છે. જ્યોતિષમાં રાહુને અચાનક બનતી ઘટનાઓ અને કડવી સચ્ચાઈનો કારક માનવામાં આવે છે. આ જ કારણ છે કે આ મૂલાંકના લોકો ખૂબ જ વ્યવહારુ હોય છે અને તેમને મીઠું જૂઠ બોલનારા લોકો જરાય પસંદ પડતા નથી.

રાહુનો પ્રભાવ અને વિપ્લવી સ્વભાવ

રાહુના પ્રભાવ હેઠળ જન્મેલા લોકો મોઢાફાટ બોલનારા હોય છે. તેમને વાતોને ફેરવી-તોળીને રજૂ કરવી કે જૂઠનો સહારો લેવો ગમતું નથી. તેમના માટે સંબંધ એટલે માત્ર પ્રેમ નહીં પણ એક પાકું ‘કમિટમેન્ટ’ છે. જો તેમને લાગે કે તેમનો પાર્ટનર તેમને અંધારામાં રાખી રહ્યો છે, તો તેમનો ક્રાંતિકારી સ્વભાવ જાગી ઉઠે છે અને તેઓ તે વ્યક્તિને પોતાની જિંદગીમાંથી હંમેશ માટે દૂર કરી દે છે.

આ સમાચાર પણ વાંચો : DIY Organic Kajal: કેમિકલવાળા કાજલને કહો બાય-બાય! ઘરે જ બનાવો 100% ઓર્ગેનિક કાજલ, જે તમારી આંખોને આપશે ઠંડક અને સુરક્ષા

વિશ્વાસ તૂટે ત્યારે કોઈ ‘એડજસ્ટમેન્ટ’ નહીં

મૂલાંક ૪ ના લોકો માટે વિશ્વાસ પાયાની જરૂરિયાત છે.તેઓ પોતે અત્યંત વફાદાર હોય છે અને સામે પણ તેવી જ અપેક્ષા રાખે છે.રાહુના કારણે તેઓ થોડા શંકાશીલ પણ હોઈ શકે છે. જો તેમને એકવાર પણ જૂઠની શંકા જાય, તો તેઓ તરત જ સાવધ થઈ જાય છે.એકવાર વિશ્વાસ તૂટ્યા પછી તેઓ ‘પેચ-અપ’ કે ‘એડજસ્ટમેન્ટ’ માં માનતા નથી.

સંબંધોમાં પારદર્શિતા જ સફળતાની ચાવી

જો તમારા પાર્ટનરનો મૂલાંક ૪ છે, તો તમારે તેમની સાથે હંમેશા પારદર્શક રહેવું જોઈએ. ભલે સત્ય કડવું હોય, પણ જો તમે સાચું બોલશો તો તેઓ તેને સ્વીકારશે. પરંતુ જો તમે છેતરપિંડીનો સહારો લેશો, તો તેઓ તે સંબંધને બીજી તક આપવા વિશે ક્યારેય વિચારશે નહીં. તેમની સાથેના સંબંધોમાં પ્રામાણિકતા જ સૌથી મોટું શસ્ત્ર છે.