News Continuous Bureau | Mumbai
આગામી 50 ઓવરનો વર્લ્ડ કપ ભારતમાં (World Cup) રમાશે. ભારત ચોથી વખત ક્રિકેટ વર્લ્ડ કપનું આયોજન કરી રહ્યું છે. જોકે, આ દરમિયાન બે વખતની વર્લ્ડ ચેમ્પિયન(World Champion) વેસ્ટ ઈન્ડિઝને(West Indies) મોટો ઝટકો લાગ્યો છે. સ્લો ઓવર રેટના(Slow over rate) કારણે વેસ્ટ ઈન્ડિઝના ખાતામાંથી બે સુપર લીગ પોઈન્ટ પણ કપાઈ ગયા છે.જેના કારણે ભારતની યજમાનીમાં 2023માં રમાનારા વન-ડે વર્લ્ડકપ(ODI World Cup) માટે ક્વોલિફાય થવું તેના માટે મુશ્કેલ બન્યું છે.
ન્યૂઝીલેન્ડ સામેની 3 મેચની વનડે શ્રેણીમાં વેસ્ટ ઈન્ડિઝ 2-1થી હારી ગયું છે. આ હાર બાદ કેરેબિયન ટીમ(Caribbean team) 90 પોઈન્ટ પર આવી ગઈ હતી, પરંતુ ધીમી ઓવર રેટ અને હાર બાદ 2 પોઈન્ટ ગુમાવ્યા બાદ ટીમના હાલમાં 88 પોઈન્ટ છે. આ રીતે વેસ્ટ ઈન્ડિઝ 88 પોઈન્ટ સાથે સાતમા નંબર પર છે. નોંધનીય છે કે 2023માં ભારતમાં યોજાનારા વર્લ્ડ કપ માટે વર્લ્ડ સુપર લીગ ટેબલની ટોપ-8 ટીમોને સીધી એન્ટ્રી મળશે, આ ટોપ-8 ટીમમાં યજમાન ભારત પણ સામેલ છે.
આ સમાચાર પણ વાંચો : ક્રિકેટ ટીમ ઈન્ડિયાને મોટો ઝટકો- રાહુલ દ્રવિડનો કોરોના રિપોર્ટ પોઝિટિવ- મુખ્ય કોચની ભૂમિકા ભજવી શકે છે આ ખેલાડી
તે જ સમયે, જો આપણે વર્લ્ડ સુપર લીગના વર્તમાન પોઈન્ટ ટેબલની વાત કરીએ તો, ઈંગ્લેન્ડ(England) પ્રથમ, બાંગ્લાદેશ(Bangladesh) બીજા, પાકિસ્તાન(Pakistan) ત્રીજા, ન્યૂઝીલેન્ડ(New Zealand) ચોથા, યજમાન ભારત પાંચમા, અફઘાનિસ્તાન(Afghanistan) છઠ્ઠા, વેસ્ટ ઈન્ડિઝ સાતમા અને ઓસ્ટ્રેલિયા આઠમા સ્થાને છે. જો કે આયર્લેન્ડની ટીમ 68 પોઈન્ટ સાથે 9મા નંબર પર છે. વાસ્તવમાં જો આયર્લેન્ડની ટીમ આવતા વર્ષે બાંગ્લાદેશ સામે ત્રણ મેચની વનડે શ્રેણી રમશે. જો આયર્લેન્ડ આ શ્રેણીમાં 2 મેચ જીતે છે તો તે વેસ્ટ ઈન્ડિઝને પાછળ છોડી દેશે. તેમજ આયર્લેન્ડનો નેટ રન રેટ વેસ્ટ ઈન્ડિઝ કરતા સારો છે.
