News Continuous Bureau | Mumbai
મહારાષ્ટ્રઃ મહારાષ્ટ્ર નવનિર્માણ સેના (MNS) ના વડા રાજ ઠાકરેએ (Raj Thackeray) તેમના 55માં જન્મદિવસ પર અનોખી કેક કાપી હતી. આ કેકની એક તરફ મુગલ બાદશાહ ઔરંગઝેબ (Aurangzeb) ની તસવીર હતી અને બીજી બાજુ લાઉડસ્પીકર (LoudSpeaker) ની તસવીર હતી. MNS ચીફના જન્મદિવસ પર તેમના સમર્થકો મહારાષ્ટ્રના રાયગઢથી આ કેક લાવ્યા હતા.
બુધવારે સમર્થકો પાસે પહોંચીને રાજ ઠાકરેએ હાથમાં ચાકુ લઈને ગળાની બાજુમાં ઔરંગઝેબની તસવીરવાળી કેક કાપી હતી. આ દરમિયાન ત્યાં હાજર તેમના સમર્થકો તાળીઓ પાડતા રહ્યા. આ પછી, ઠાકરેએ કેકનો બીજો ભાગ પણ કાપ્યો, જેના પર ક્રોસ શેપમાં લાઉડ સ્પીકર બનાવવામાં આવ્યા હતા.
આ સમાચાર પણ વાંચો: ના તો દિલીપ જોશી, ના કપિલ શર્મા કે ના તો રૂપાલી ગાંગુલી, આ બધા ને પાછળ છોડી આ અભિનેતા બન્યો ટીવીનો સૌથી વધુ કમાણી કરનાર એક્ટર
તોફાનો જેવી સ્થિતિ બની હતી
તાજેતરમાં મહારાષ્ટ્રમાં ઔરંગઝેબ પર થયેલા વિવાદ બાદ અનેક જિલ્લાઓમાં રમખાણો જેવી સ્થિતિ સર્જાઈ હતી. રાજ્યમાં ઔરંગઝેબ અને ટીપુ સુલતાનની પ્રશંસામાં કરવામાં આવેલી સોશિયલ મીડિયા પોસ્ટને લઈને પણ ઘણા કેસ નોંધાયા હતા. આ પછી, 7 જૂને તેના વિરોધમાં બંધનું એલાન આપવામાં આવ્યું હતું અને હિન્દુત્વવાદી સંગઠનોના લોકો મોટી સંખ્યામાં કોલ્હાપુરના છત્રપતિ શિવાજી ચોકમાં એકઠા થયા હતા. કોલ્હાપુરમાં સ્થિતિ હજુ પણ ખરાબ છે અને 19 જૂન સુધી પ્રતિબંધિત આદેશો ચાલુ રહેશે. પાંચ કે તેથી વધુ લોકોના ભેગા થવા પર પ્રતિબંધ છે.
એમએનએસ પ્રમુખે ચેતવણી આપી હતી
તમને જણાવી દઈએ કે મહારાષ્ટ્રમાં શિંદે સરકાર પહેલા લાઉડસ્પીકરને લઈને ઘણો વિવાદ થયો હતો. ત્યારે MNS ચીફે ચેતવણી આપી હતી કે જો મસ્જિદમાં લાઉડસ્પીકર પર નમાજ પઢવામાં આવશે તો તેમની પાર્ટીના કાર્યકર્તાઓ ત્યાં જશે અને હનુમાન ચાલીસાનો પાઠ કરશે. આ પછી, રાજ્યના ડીજીપીએ પોલીસને લાઉડસ્પીકર અંગે સુપ્રીમ કોર્ટની માર્ગદર્શિકા અને કાયદાનું ચુસ્તપણે પાલન કરવાની સૂચના આપી હતી.
બિપરજોય News
આ પણ વાંચોઃ Western Railway : પશ્ચિમ રેલ્વે, ચક્રવાત ‘બિપરજોય’ને કારણે પશ્ચિમ રેલવેની કેટલીક વધુ ટ્રેનો પ્રભાવિત
આ પણ વાંચોઃ Biporjoy Cyclone : બિપરજોય ચક્રવાતની અસર, ડરથી આ રાજ્યમાં તોડવામાં આવી જર્જરિત ઈમારતો, 67 ટ્રેનો કરાઈ રદ..
