News Continuous Bureau | Mumbai
Chhattisgarh Naxal Encounter:છત્તીસગઢના ગારિયાબંધમાં છેલ્લા 36 કલાકથી નક્સલીઓ અને સુરક્ષા દળો વચ્ચે એન્કાઉન્ટર ચાલી રહ્યું છે. અત્યાર સુધીમાં કુલ 16 નક્સલીઓને ઠાર મરાયા હોવાની માહિતી સામે આવી છે. આ ઉપરાંત, મોટી માત્રામાં હથિયારો પણ જપ્ત કરવામાં આવ્યા છે. જણાવવામાં આવી રહ્યું છે કે ગઈકાલે સવારથી કુલ્હાડીઘાટના ભાલુદીઘી પહાડીઓ પર સુરક્ષા દળો અને નક્સલવાદીઓ વચ્ચે એન્કાઉન્ટર ચાલી રહ્યું છે.
Chhattisgarh Naxal Encounter: 16 નક્સલીઓના મૃતદેહ બહાર કાઢ્યા
ગઈકાલે એન્કાઉન્ટર પછી હાથ ધરવામાં આવેલા સર્ચ ઓપરેશન દરમિયાન, બે નક્સલીઓના મૃતદેહ મળી આવ્યા હતા, જેમાંથી એક મહિલા છે. રાયપુર ઝોનના આઈજી અમરેશ મિશ્રાના જણાવ્યા અનુસાર, સૈનિકોએ આજે સવારે 14 નક્સલીઓના મૃતદેહ બહાર કાઢ્યા છે. ઘટનાસ્થળેથી ઘણા ઓટોમેટિક હથિયારો પણ મળી આવ્યા છે. સૈનિકોની શોધખોળ કામગીરી ચાલુ છે. મીડિયા રિપોર્ટ અનુસાર, માર્યા ગયેલા નક્સલીઓમાં ઓડિશા રાજ્ય નક્સલીઓના વડા જયરામ ઉર્ફે ચલપતિનો પણ સમાવેશ થાય છે, જેના માથા પર 1 કરોડ રૂપિયાનું ઇનામ હતું. આ એન્કાઉન્ટરમાં સીસીએમ મનોજ અને ગુડ્ડુ માર્યા ગયાના પણ સમાચાર છે.
આ સમાચાર પણ વાંચો : Naxal Encounter: સુરક્ષા દળોએ ત્રણ દિવસમાં બીજાપુરનો લીધો બદલો, સુકમામાં આટલા નક્સલીઓને માર્યા ઠાર, સર્ચ ઓપરેશન ચાલુ
એવું કહેવામાં આવી રહ્યું છે કે એન્કાઉન્ટર દરમિયાન એક સુરક્ષા કર્મચારી પણ ઘાયલ થયો હતો, જેને એરલિફ્ટ કરીને રાયપુર લઈ જવામાં આવ્યો હતો. આ સંયુક્ત ઓપરેશન (ઓડિશા-છત્તીસગઢ સુરક્ષા દળો) માં, લગભગ 1 હજાર સૈનિકોએ બંને રાજ્યોની સરહદો પર નક્સલવાદીઓને ઘેરી લીધા હતા.
Chhattisgarh Naxal Encounter: ઓડિશા-છત્તીસગઢ સુરક્ષા દળોનું સંયુક્ત ઓપરેશન
માહિતી અનુસાર, છત્તીસગઢ અને ઓડિશા સુરક્ષા દળોની કુલ 10 ટીમો નક્સલવાદીઓ સામે સંયુક્ત ઓપરેશન ચલાવી રહી છે. શોધખોળ દરમિયાન નક્સલીઓના વધુ મૃતદેહ મળવાની શક્યતા છે. માર્યા ગયેલા નક્સલીઓના મૃતદેહોની ઓળખ હાલમાં કરવામાં આવી રહી છે.
Chhattisgarh Naxal Encounter: નક્સલવાદીઓ સામે સુરક્ષા દળોની કાર્યવાહી
ઓડિશા અને છત્તીસગઢ સરહદ પર કુલ્હાડી ઘાટના જંગલમાં મોટી સંખ્યામાં નક્સલવાદીઓની હાજરીની જાણ કરવામાં આવી હતી. આ માહિતી મળ્યા બાદ, ઓડિશા અને છત્તીસગઢ પોલીસે મળીને 19 જાન્યુઆરીએ નક્સલવાદીઓ વિરુદ્ધ સંયુક્ત કાર્યવાહી શરૂ કરી. કુલ્હાડી ઘાટ રિઝર્વ ફોરેસ્ટના ગાઢ જંગલોમાં સુરક્ષા દળોએ નક્સલીઓ સામે અત્યાર સુધીની સૌથી મોટી કાર્યવાહી હાથ ધરી છે.
