News Continuous Bureau | Mumbai

Jalgaon Ambulance Blast: મહારાષ્ટ્રના જલગાંવમાં એક ભયાનક અકસ્માત સર્જાયો હોવાના અહેવાલ છે.  અહીં ગર્ભવતી મહિલાને હોસ્પિટલ લઈ જતી એમ્બ્યુલન્સમાં ભીષણ આગ ફાટી નીકળી હતી. એટલું જ નહીં આ આગને કારણે એમ્બ્યુલન્સમાં રાખવામાં આવેલા સિલિન્ડરમાં એટલો જોરદાર વિસ્ફોટ થયો કે તેના ટુકડા થઈ ગયા. એમ્બ્યુલન્સમાં ઓક્સિજન સિલિન્ડર ફાટવાને કારણે વિસ્તારના કેટલાક ઘરોની બારીઓ પણ તૂટી ગઈ હતી.   આ દુર્ઘટના ત્યારે થઇ જ્યારે એક ગર્ભવતી મહિલા દર્દીને એરંડોલ સરકારી હોસ્પિટલથી જલગાંવ જિલ્લા હોસ્પિટલમાં લાવવામાં આવી રહી હતી.

Jalgaon Ambulance Blast: જુઓ વિડીયો 

મહારાષ્ટ્રના જલગાંવમાં એક ગર્ભવતી મહિલાને લઈ જઈ રહેલી એમ્બ્યુલન્સમાં લાગી આગ

આગ લાગતાં એમ્બ્યુલન્સમાં રાખેલો ઓક્સિજન સિલિન્ડર ફાટતાં એમ્બ્યુલન્સ બળીને ખાખ

એન્જિનમાંથી ધુમાડો નીકળતો જોઈને ડ્રાઈવરે બધાંને સમયસર બહાર કાઢ્યા હોવાથી જાનહાની ટળી#Maharahstra #Ambulance #Blast pic.twitter.com/lI6rTVALGf

— DD News Gujarati (@DDNewsGujarati) November 14, 2024

Jalgaon Ambulance Blast: એમ્બ્યુલન્સમાં આગ લાગી, પછી જોરદાર વિસ્ફોટ થયો

મળતી માહિતી મુજબ એમ્બ્યુલન્સના એન્જિનમાંથી શરૂઆતથી જ ધુમાડો નીકળી રહ્યો હતો. એન્જીનમાંથી ધુમાડો નીકળતો જોઈને એમ્બ્યુલન્સ ડ્રાઈવર સતર્ક થઈ ગયો અને બધાને બહાર કાઢ્યા. એટલે આ ઘટનામાં કોઈ જાનહાની ના અહેવાલ નથી. દરમિયાન વીડિયો પણ સામે આવ્યો છે. જેમાં જોઈ શકાય છે કે કેવી રીતે એમ્બ્યુલન્સમાં આગ લાગી છે અને ત્યાં હાજર ઘણા લોકો છે જે વીડિયો રેકોર્ડ કરી રહ્યા છે. બીજી તરફ એક જોરદાર વિસ્ફોટ જોવા મળે છે, જેના પછી ચારે તરફ ભયંકર પ્રકાશ ફેલાઈ જાય છે.

આ સમાચાર પણ વાંચો : Mumbai News : મુસાફરી થશે વધુ સરળ.. હવે નરીમાન પોઈન્ટથી માત્ર 35-40 મિનિટમાં પહોંચી જવાશે વિરાર, જાણો શું છે પ્લાન..

Jalgaon Ambulance Blast: એમ્બ્યુલન્સના ટુકડા થઈ ગયા 

વિસ્ફોટ એટલો ખતરનાક હતો કે આખી એમ્બ્યુલન્સના ટુકડા થઈ ગયા હતા અને નજીકના ઘરોની બારીઓ તૂટી ગઈ હતી. તમને જણાવી દઈએ કે આ પહેલા મહારાષ્ટ્રના મુંબઈમાં પણ એક વિચિત્ર ઘટના જોવા મળી હતી. વાસ્તવમાં, મુંબઈના ગોરાઈ બીચ પર એક સડી ગયેલા મૃતદેહના 7 ટુકડાઓ મળી આવ્યા છે, જેનાથી આ વિસ્તારમાં ખળભળાટ મચી ગયો છે. પોલીસને અહીં પ્લાસ્ટિકની કોથળીમાંથી એક વ્યક્તિની લાશ મળી આવી હતી. મૃતદેહની માહિતી મળતા જ પોલીસની ટીમ ઘટનાસ્થળે પહોંચી હતી અને મૃતદેહને પોતાના કબજામાં લઈ પોસ્ટમોર્ટમ માટે મોકલી આપ્યો હતો.

(News Continuous brings you all the latest breaking news, viral trends and information from social media world, including Twitter, Instagram and Youtube. The above post is embeded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)