ન્યૂઝ કન્ટીન્યુઝ બ્યૂરો
મુંબઈ
4 જુલાઈ 2020
આજે મુંબઈ શહેર પાણી પાણી થઇ ગયું છે અને આગામી 24 કલાક પવનની સાથે અતિ ભારે વરસાદ પડવાની સાથે જ રેડ એલર્ટ જાહેર કરવામાં આવ્યું છે. આજે પણ મુંબઈમાં મુશળધાર વરસાદ આખો દિવસ વરસશે. ગઈકાલથી થઈ રહેલા વરસાદ બાદ મુંબઈના રસ્તાઓ પર ઠેર-ઠેર પાણી ભરાઈ ગયા છે જેને કારણે શહેરમાં ભારે ટ્રાફિક જામની સ્થિતિ ઉદ્ભવી છે, તો બીજી બાજુ ત્રણ ફ્લાઈટ્સને ડોમેસ્ટિક એરપોર્ટ તરફ ડાયવર્ટ કરવી પડી છે. હવામાન વિભાગે લોકોને સાવચેત રહેવા અને ઘરમાં જ રહેવાની તાકીદ કરી છે, કારણ કે રેડ એલર્ટનો મતલબ અતિભારે વરસાદ પડવાના સંકેતો છે. મુંબઈ ઉપરાંત થાણા, પાલઘર, રાયગઢમાં પણ અતિભારે વરસાદની ચેતવણી આપવામાં આવી છે.
કોલાબા વેધશાળાએ માત્ર ત્રણ કલાકની અંદર 156 મીમી વરસાદ નોંધાયો છે. જ્યારે સાન્તાક્રુઝ વેધશાળાએ 102.7 વરસાદ નોંધાયો છે. માનવામાં આવે છે કે આજે સીઝનનો સૌથી વધુ વરસાદ રાત સુધીમાં વરસી શકે છે. આથી જ બી.એમ.સી એ જનતા ને જાણ કરી છે કે ભારે વરસાદ અને જળ ભરાવાને કારણે વીજળી અને પાણી જેવી સેવાઓ બધી થઈ શકે છે.. અને સૌથી ખરાબ અસર શહેરના ટ્રાફિક પર પડશે. આથી કામ વગર લોકોએ બહાર ન નીકળવાની ચેતવણી આપવામાં આવી છે. નબળા હવામાનની અસર હવાઇ સેવાઓ પર પણ પડી રહી છે આનું એક કારણ છે છવાયેલા વાદળો, જેને કારણે આકાશમાં વિઝન સ્પષ્ટ નથી મળી રહ્યું. હવામાન ખાતાના જણાવ્યા મુજબ રાયગઢ, પાલઘર થી લઈને ગુજરાત સુધીના તટીય વિસ્તારોમાં દિવસભર અતિ ભારે વરસાદ પડવાની સંભાવના છે…
ગુજરાતી બ્રેકિંગ ન્યૂઝ માટે વોટ્સઅપ ગ્રુપ માં નીચે આપેલી લિંક દબાવીને જોડાઓ.
News Continuous (ન્યૂઝ કંટીન્યૂઝ)
YouTube : https://www.youtube.com/NewsContinuous
Twitter : https://twitter.com/NewsContinuous
Facebook : https://www.facebook.com/newscontinuous
Instagram : https://www.instagram.com/newscontinuous/
Email : TheNewsContinuous@gmail.com
