શિવસેનાના નેતા સંજય રાઉત અને તેમની પત્ની વર્ષા રાઉત આજે એનસીપી સુપ્રીમો શરદ પવારને મળવા પહોંચ્યા હતા.
સૂત્રોનું કહેવું છે કે સંજય રાઉત અને વર્ષા રાઉત શરદ પવારને માર્ગદર્શન અને ચાલુ તપાસમાં મદદ માટે મળ્યા હતા.
મની લોન્ડરિંગ કેસમાં વર્ષા રાઉતની ઇડી પૂછપરછ કરી રહી છે.
જો કે, સંજય રાઉતે દાવો કર્યો છે કે આ વ્યક્તિગત મુલાકાત હતી.
શિવસેનાના નેતા-સાંસદ સંજય રાઉતે તેમના પર આરોપ લગાવનારને ખુલ્લી ધમકી આપી છે.
તેમણે કહ્યું, આરોપ લગાવનાર પુરવાર કરી નહીં શકે તો હું તેમને ઇડીની ઓફિસની બહાર ચપ્પલથી મારીશ.
ઉલ્લેખનીય છે કે, ઇડી પંજાબ ઍન્ડ મહારાષ્ટ્ર કો-ઓપરેટિવ બૅન્કના કરોડોના કૌભાંડમાં સંજય રાઉતની પત્ની વર્ષા રાઉત પુછપરછ કરી રહી છે .
ન્યુઝ કન્ટીન્યુઝ બ્યુરો
મુંબઈ
19 ઓક્ટોબર 2020
મહારાષ્ટ્રના રાજ્યપાલ અને મુખ્યમંત્રી વચ્ચે રાજયમાં મંદિરો ખોલવા બાબતે થયેલા વિવાદ અંગે કેન્દ્રીય ગૃહમંત્રી અમિત શાહના વલણનું શિવસેનાના સાંસદ સંજય રાઉતે સ્વાગત કર્યું છે.
અમિત શાહે ટિપ્પણી કરી હતી કે મહારાષ્ટ્રના રાજ્યપાલ ભગતસિંહ કોશ્યારી રાજ્યના મુખ્ય પ્રધાન ઉદ્ધવ ઠાકરેને પત્ર લખતી વખતે તેમના શબ્દો વધુ સારી રીતે પસંદ કરી શકયા હોત.
કોશ્યારીએ તાજેતરમાં જ ઠાકરેને રાજ્યમાં પૂજા સ્થળો ફરી શરૂ કરવા અંગે પત્ર લખ્યો હતો અને પૂછ્યું હતું કે શું શિવસેનાના પ્રમુખ "અચાનક બિનસાંપ્રદાયિક થઈ ગયા છે", રાજ્યપાલ અને મુખ્ય પ્રધાન વચ્ચેના શબ્દો ઉશ્કેરણી જનક હતાં. આ અંગે પ્રતિક્રિયા આપતાં રાઉતે કહ્યું કે અમિત શાહ દેશના ગૃહ પ્રધાન છે અને જવાબદારી, સાવધાની સાથે બોલે છે. તેમણે કહ્યું કે, રાજકીય કંઈ નથી. શાહે જે કહ્યું તે ભારતના બંધારણને અનુરૂપ હતું.
નોંધનીય છે કે રાજભવન અને રાજ્યપાલનું કાર્યાલય એક બંધારણીય સંસ્થા છે અને તે ગૃહ મંત્રાલયના અધિકારક્ષેત્ર હેઠળ આવે છે.
ન્યુઝ કંટીન્યૂઝ
મુંબઈ.
બોમ્બે હાઈકોર્ટે હવે કંગના રાણાવત દ્વારા ફાઇલ કરવામાં આવેલા કેસ પર સુનાવણી શરૂ કરી દીધી છે. આજે બોમ્બે હાઈકોર્ટે સામના ના સંપાદક અને શિવસેનાના પ્રમુખ પ્રવક્તા સંજય રાઉતે ને સણસણતો સવાલ પૂછયો હતો કે તેણે હરામ ખોર શબ્દ કોની માટે વાપર્યો હતો?
કંગના રાણાવત ના વકીલે કોર્ટમાં દલીલ કરી હતી કે સંજય રાઉતે કંગનાને ટીવી ઈન્ટરવ્યુ દરમિયાન હરામ ખોર કહી હતી. આ માટે તેણે ઓડિયો પણ કોર્ટ ની સામે સંભળાવ્યો હતો.ઓડિયો સાંભળ્યા બાદ જજ એ સંજય રાઉત ના વકીલને પ્રશ્ન પૂછ્યો કે હરામ ખોર શબ્દ કોના માટે છે? સંજય રાઉત ના વકીલે જવાબમાં જણાવ્યું કે સંજય રાઉતે કંગનાને હરામ ખોર કહી નથી.
આ સાંભળીને જજે સંજય રાઉત ના વકીલને કહ્યું કે હવે તમે લખાણમાં કોર્ટ સામે રજૂ કરો કે તમે કંગના રાણાવતને હરામ ખોર કહી નથી.
સંજય રાઉત માટે આ વસ્તુ એ થૂંકેલું ચાટેલા સમાન છે. કારણ કે લખાણમાં પ્રત્યુત્તર આપ્યા બાદ કોર્ટે તેમને વધુ એક પ્રશ્ન પૂછશે કે તો પછી હરામ ખોર શબ્દ તેમણે કોની માટે વાપર્યો? આ પ્રશ્નનો જવાબ આપતાં વેજ સંજય રાઉત ની મુશ્કેલીઓ વધી શકે છે.
આમ કંગનાની પ્રોપર્ટી તોડીને તેમ જ તેના વિશે અનાપ-શનાપ બોલ્યા બાદ હવે સંજય રાઉત ફસાવા માંડયા છે.
