Tag:

tieup

વેપાર-વાણિજ્ય

ઈ-કોમર્સ કંપની એમેઝોન સાથે MOU કરનારી રાજય સરકાર સામે CAITએ વ્યક્ત કરી નારાજગી; જાણો વિગત

by Dr. Mayur Parikh
written by Dr. Mayur Parikh

ન્યુઝ કન્ટિન્યુઝ બ્યુરો

મુંબઈ. 7 ડિસેમ્બર 2021

મંગળવાર.

 

વિદેશી ઓનલાઈન કોમર્સ કંપની એમેઝોન ભારતમાં અનેક નિયમોનું ઉલ્લંઘન કરીને વેપાર કરી રહી છે. સરકારના કાયદા-કાનૂનને ગણકારતી નથી. સરકારી અધિકારીઓને સાથે સાઠગાંઠ કરીને દેશને નુકસાન કરી રહી હોવાનો શરૂઆતથી દેશભરના વેપારી સંસ્થાઓનું નેતૃત્વ કરતી કોન્ફડરેશન ઓફ ઓલ ઈન્ડિયા ટ્રેડર્સ (CAIT) આરોપ કરી રહી છે. હવે CAIT એ  ભારતમાં અનેક રાજયોએ એમેઝોન સાથે વેપારને લગતા MOU કર્યા હોવાનો દાવો કર્યો છે. રાજય સરકારની આ નિતી સામે .CAITએ નારાજગી વ્યક્ત કરી છે. 

CAIT બહાર પાડેલા પ્રેસ રીલીઝમાં એવા આરોપ કરવામાં આવ્યા હતા કે એમેઝોન વૈશ્વિક અપરાધી છે. વેપારમાં તેના દ્વારા આચરવામાં આવેલી નિતીઓને કારણે અનેક દેશમાં એમેઝોનને દંડ કરવામાં આવ્યો છે. હાલ ભારતમાં પણ એમેઝોન સામે જુદી જુદી તપાસ ચાલી રહી છે. એવા સમયે અનેક રાજ્ય સરકારે તેની સામે વેપારને લગતા કરાર કર્યા છે. એમેઝોન પર વેચાતા ઉત્પાદનોમાં  સરકારી એજેન્સીઓએ પ્રવેશ કર્યો હોવાનો દાવો પણ CAIT એ કર્યો હતો.

CAITના પદાધિકારીઓના કહેવા મુજબ મધ્ય પ્રદેશમાં એમેઝોન સામે ઓનલાઈન ગાંજો વેચવા બદલ પોલીસમાં ફરિયાદ નોંધાઈ છે. તેથી મધ્ય પ્રદેશ સરકારે એમેઝોન સાથે કરેલા MOU તાત્કાલિક ધોરણે રદ કરવા જોઈએ. કાયદાનું ઉલ્લંઘન કરનારી કંપની સાથે  સંબંધ રાખવા બદલ મધ્ય પ્રદેશની સરકાર પાસે જવાબ માગવામાં આવશે. એમેઝોન સાથે કરવામાં આવેલા MOUને રદ કરવાની માંગણી પણ કરવામાં આવશે એવું CAIT એ કહ્યું હતું.

અમદાવાદ, રાજકોટ, મુંબઈના વેપારીઓ દ્વારા વિઝિટ કરાઈ, સુરતમાં જેમ એન્ડ જ્વેલરી પાર્કમાં વેપારીઓ દ્વારા શો-રૂમ બુક કરાયા

એમેઝોન સાથે વેપાર કરવાને લઈને CAITનું પ્રતિનિધિ મંડળ ફક્ત મધ્ય પ્રદેશની સરકાર પાસેથી જ નહીં પણ તમામ રાજયના મુખ્ય પ્રધાનને પત્ર લખશે. આવશ્યકતા જણાય તો મુખ્ય પ્રધાનની મુલાકાત લઈને તેમની પાસે પોતાની માગણી પણ રાખશે એવું CAIT કહ્યું હતું. 
CAITના કહેવા મુજબ માર્ચ 2021માં એમેઝોને મધ્ય પ્રદેશ સરકારના એમ્પોરિયમ મૃગનયનીને પોતાના ઈ-પોર્ટલ પર લોન્ચ કરવાની જાહેરાત કરી હતી.  મધ્ય પ્રદેશમાં એમેઝોન 5,000થી વધુ વણકરોને તેમના ઉત્પાદન ગ્રાહક સુધી પહોંચાડવામાં મદદ કરશે એવો દાવો કરવામાં આવ્યો હતો.

0 comment
0 FacebookTwitterPinterestEmail
વેપાર-વાણિજ્ય

ભારતમાં કરિયાણા બજાર પર પ્રભુત્વ જમાવવા મુકેશ અંબાણીએ લીધું આ પગલું, જાણો વિગત

by Dr. Mayur Parikh
written by Dr. Mayur Parikh

ન્યુઝ કન્ટિન્યુઝ બ્યુરો    
મુંબઈ, 30 નવેમ્બર  2021    
મંગળવાર.

ભારતમાં કરિયાણા બજારમાં એમેઝોન અને વોલમાર્ટની માલિકીના ફિલપકાર્ટ સારુ એવું પ્રભુત્વ ધરાવે છે. હવે કરિયાણાની બજારની સ્પર્ધામાં ટકી રહેવા માટે હવે અબજોપતિ મુકેશ અંબાણીની કંપની વોટ્સ એપનો સહારો લેવાની છે. ભારતીયો હવે નવા "ટૅપ અને ચેટ" વિકલ્પ દ્વારા મુકેશ અંબાણીના JioMart પરથી કરિયાણાનો ઓર્ડર આપવા માટે WhatsAppનો ઉપયોગ કરી શકશે.

90-સેકન્ડના ટ્યુટોરીયલ અને કેટલોગ સાથે વોટ્સએપ શોપિંગ આમંત્રણો મેળવનારા JioMart વપરાશકર્તાઓના જણાવ્યા અનુસાર જીઓ પર ડિલિવરી મફતમાં થશે  અને અહીં મિનિમમ ઓર્ડરની કોઈ શરત નહીં હોય. ઑફર પર દૈનિક આવશ્યક ચીજોમાં ફળો, શાકભાજી, અનાજ, ટૂથપેસ્ટ અને પનીર, ચીઝ અને ચણાનો લોટ જેવી વસ્તુઓ ઉપલબ્ધ હશે. ગ્રાહકો એપ્લિકેશનમાં તેમની શોપિંગ બાસ્કેટ ભરી શકે છે અને તેઓનો ઓર્ડર પ્રાપ્ત કરતી વખતે JioMart દ્વારા અથવા માલ જયારે ઘરે આવે ત્યારે રોકડ રકમમાં ચૂકવણી કરી શકે છે.

 

બજારમાં હવે લગ્ન સીઝનમાં ફરી સોનાનો ચળકાટ વધ્યો

મુકેશ અંબાણીની રિલાયન્સ ઇન્ડસ્ટ્રીઝ લિમિટેડે દેશના ટેલિકોમ ઈન્ડસ્ટ્રી પર જબરદસ્ત પ્રભુત્વ મેળવી લીધું છે. ભારતના ટેલિકમ્યુનિકેશન સેક્ટરમાં હરીફોને બરોબરની સ્પર્ધા આપી રહ્યા છે. હવે તેઓએ દેશની વધતી જતી સ્પર્ધાત્મક ઈ-કોમર્સ બજારમાં આગેકૂચ કરવા માગે છે.
 આ પગલું Meta Platforms Inc., જે અગાઉ Facebook Inc. તરીકે ઓળખાતું હતું. તેણે રિલાયન્સના Jio પ્લેટફોર્મ યુનિટમાં લગભગ 6 બિલિયન ડોલરનું રોકાણ કર્યાના 19 મહિના પછી આવ્યું છે. WhatsAppના દેશમાં લગભગ 530 મિલિયન યુઝર્સ છે, ત્યારે રિલાયન્સને કરિયાણા વેપારમાં તેનો સારો ફાયદો મળી શકે છે એવુ માનવામા આવે છે.

0 comment
0 FacebookTwitterPinterestEmail