ન્યુઝ કન્ટિન્યુઝ બ્યુરો
મુંબઈ, 6 જાન્યુઆરી 2022
ગુરુવાર.
રસીકરણની બાબતમાં મુંબઈએ ફરી એકવાર રેકોર્ડ બનાવ્યો છે.
મુંબઈએ કોરોના રસીના પ્રથમ ડોઝનો 1 કરોડનો આંકડો પાર કરી લીધો છે.
આ સાથે 88 ટકા પુખ્ત નાગરિકોનું મુંબઈમાં વૅક્સિનેશન થઈ ગયું છે.
આ સાથે શહેરમાં પહેલો અને બીજો ડોઝ મળીને કુલ 1,81,93,448 ડોઝ આપી દેવાયા છે.
આ કાર્ય મુંબઈના તમામ સરકારી, મ્યુનિસિપલ અને ખાનગી રસીકરણ કેન્દ્રો દ્વારા સંયુક્ત રીતે કરવામાં આવ્યું છે.
ન્યુઝ કન્ટિન્યુઝ બ્યુરો
મુંબઈ,3 જાન્યુઆરી 2022
સોમવાર.
ઝડપથી વધી રહેલા કોરોના અને ઓમિક્રોન સંક્રમણના વચ્ચે દેશભરમાં આજથી 15થી 18 વર્ષના યુવાનો માટે રસીકરણની શરૂઆત થઈ છે. મુંબઈ સહિત મહારાષ્ટ્રમાં 15થી 18 વર્ષના ઉંમરના લોકોને 650 કેન્દ્ર પર વેક્સીન આપવામાં આવી રહી છે. મુંબઈમાં 9 વેક્સિનેશન સેન્ટરોમાં તેની વ્યવસ્થા કરવામાં આવી છે. મહારાષ્ટ્રમાં 60 લાખથી વધારે બાળકોને વેક્સિન આપવામાં આવશે અને મુંબઈની વાત કરીએ તો ત્યાં 9 લાખ લાભાર્થી છે.
મુંબઈ મહાનગર પાલિકા (BMC) એ કોરોના વેક્સિનેશન સેન્ટરના નામોની સૂચિબદ્ધ માર્ગદર્શિકા બહાર પાડી છે જે શહેરમાં 15-18 વય જૂથને રસીના ડોઝનું સંચાલન કરશે અને આ જૂથ માટે રસીકરણ સંબંધિત અન્ય મહત્વપૂર્ણ વિગતોનો પણ ઉલ્લેખ કર્યો છે.
હેં! ખાડી દેશ સાઉદી અરબિયામાં પડયો બરફ, રણ પ્રદેશમાં પડતા બરફથી સૌ કોઈ હેરાન, જુઓ તસવીરો અને વિડીયો.
મુંબઈમાં બાળકો માટે વેક્સિનેશનના નામ અને ગાઇડલાઇન્સ –
આ એજ ગ્રુપના બાળકોને કોરોનાની વેક્સિન લેવા માટે કોવિન એપ્લીકેશનના માધ્યમથી ઓનલાઈન રજિસ્ટ્રેશન કરાવવું પડશે.
રજિસ્ટ્રેશનની પ્રક્રિયા 1 જાન્યુઆરીથી શરૂ થઈ ગઈ છે. ત્યારે સીધા વેક્સિનેશન સેન્ટર પર જઈને પણ રજિસ્ટ્રેશન કરવાની સુવિધા આપવામાં આવી છે.
2007માં અથવા તે પહેલા જન્મેલા તમામ બાળકો વેક્સિન લેવા માટે પાત્ર છે.
આ એજ ગ્રુપના બાળકો માટે ભારત બાયોટેકની કોવેક્સિનની પસંદગી કરવામાં આવી છે.
રસીકરણ માટે શાળા આઈડી/આધાર કાર્ડ ફરજિયાત.
કોવેક્સિન સૌથી વધારે સુરક્ષિત વેક્સિન હોવાના કારણે રાજ્યના કોરોના ટાસ્ક ફોર્સ સાથે જોડાયેલા નિષ્ણાંતોએ બાળકોના માતા-પિતાને સલાહ આપી છે કે ડર રાખ્યા વગર પોતાના બાળકને વેક્સિન અપાવો. શરીરમાં વેક્સિન જે જગ્યા પર આપવામાં આવે છે, તે ભાગ થોડો લાલ થઈ જશે, દુ:ખાવો થશે અને થોડો તાવ પણ આવી શકે છે. આ સામાન્ય લક્ષણ છે. તેથી ગભરાવવાની જરૂર નથી. વેક્સિન લીધા બાદ અડધો કલાક સુધી વેક્સિનેશન સેન્ટર પર બેસો, ત્યારબાદ ઘરે પરત જાઓ.
મુંબઈમાં કોરોના વિસ્ફોટ પણ BMC કમિશનર કહે છે ગભરાવો નહીં. પણ શા માટે? જાણો કારણ અહીં
ન્યુઝ કન્ટિન્યુઝ બ્યુરો
મુંબઈ,3 જાન્યુઆરી 2022
સોમવાર .
ઘણા મહિનાઓથી ચાલી રહેલી ચર્ચાઓ પછી આખરે ત્રીજી જાન્યુઆરી 2022થી એટલે કે ભારતમાં 15થી 18 વર્ષનાં બાળકોને કોવિડ-19ની રસી આપવાનો આરંભ આજથી થઈ રહ્યો છે.
15થી 18 વર્ષના બાળકોને કોરોનાની રસી લગાવવામાં આવશે. આ માટે કોવિન પ્લેટફોર્મ પર રવિવાર સાંજ સુધીમાં આ ઉંમરના બાળકોને રસી લગાવવા માટે 6 લાખથી વધારે રજિસ્ટ્રોશન થયું છે. બાળકોનું રસીકરણ સરકારી સેન્ટર પર થશે. સાથે જ ખાનગી હોસ્પિટલમાં પણ બાળકો રસી લગાવી શકે છે. સરકારી રસીકરણ સેન્ટર પર બાળકોને મફત રસી લાગશે. જ્યારે ખાનગી હોસ્પિટલોમાં રસીની કિંમત ચૂકવવી પડશે. બાળકોને કોવેક્સિન આપવામાં આવશે.
સૌથી પહેલા gov.in વેબસાઈટ પર જાવ
જો તમે કોવિન પર રજિસ્ટર્ડ નથી તો પહેલા રજીસ્ટ્રેશન કરવાનું રહેશે
અહીં તમારે બાળકોનું નામ, ઉંમર જેવી કેટલીક માહિતી ભરવાની રહેશે
રજિસ્ટ્રેશન પુરુ થયા બાદ પોતાના મોબાઈલ પર કન્ફોર્મેશન મેસેજ આવશે.
ત્યારબાદ તમે વિસ્તારનો પિન કોર્ડ નાંખો
તમારી સામે રસીકરણ સેન્ટરનું લિસ્ટ આવશે
આ પછી તારીખ અને સમયની સાથે પોતાનો રસીકરણ સ્લોટ બુક કરો
આ બધુ જ કર્યા બાદ તમે રસીકરણ સેન્ટર પર જઈને પોતાના બાળકોને કોરોનાની રસી લગાવી શકશો.
રસીકરણ સેન્ટર પર આવતા પહેલા તમારે આઈડેન્ટીટી પ્રૂફ અને સીક્રેટ કોર્ડની જાણકારી આપવાની રહેશે. જે રજિસ્ટ્રેશન કરવા પર મળશે. તમે રસીના સ્લોટ માટે ઓનલાઈન અને ઓફલાઈન બંને માધ્યમથી નોંધણી કરાવી શકો છો.
તમને જણાવી દઇએ કે રસી લેતી વખતે કોવિડ પ્રોટોકોલનું પાલન કરવું પડશે. કોરોનાનો ડોઝ લીધા બાદ ઓછામાં ઓછા અડધો કલાક રસી કેન્દ્રમાં રહેવું પડશે. આ દરમિયાન બાળકોના સ્વાસ્થ્ય પર નજર રાખવામાં આવશે. એક અનુમાન અનુસાર, રસીકરણના આ તબક્કામાં ભારતનાં આઠથી નવ કરોડ બાળકોને રસીના બે ડોઝ અપાશે.
અત્રે જણાવવાનું કે પીએમ મોદીએ હાલમાં જ બાળકોના રસીકરણની જાહેરાત કરી હતી. ત્યારબાદ 1 જાન્યુઆરીથી કોવિન એપ પર બાળકોનું રજિસ્ટ્રેશન શરૂ થયું.
ન્યુઝ કન્ટિન્યુઝ બ્યુરો
મુંબઈ,1 જાન્યુઆરી 2022
શનિવાર.
ઈઝરાયેલ વિશ્વનો પહેલો એવો દેશ બની ગયો છે, જે પોતાના નાગરિકોને વૅક્સિનનો બુસ્ટરનો બીજો ડોઝ એટલે કે વેક્સિનનો ચોથો ડોઝ આપી રહ્યો છે. તેની માટે હવે નવા વાયરસને જવાબદાર માનવામાં આવી રહ્યો છે.
દુનિયાભરમાં કોરોનાના નવા વેરિયન્ટ ઓમીક્રોને આતંક મચાવ્યો છે ત્યારે હવે ઓમીક્રોને પાછળ મૂકીને બીજા એક નવા મિક્સ વેરિયન્ટે ઈઝરાયઈલ પર અટેક કરી દીધો છે. તે કોરોનાના વાયરસ અને ઈન્ફ્લૂન્ઝા વાયરસને મળીને ડબલ ઈન્ફેકશનનું કારણ બની રહ્યું છે. આ નવા વાયરસથી ફેલાઈ રહેલી બીમારીને ફ્લોરોનાનું નામ આપવામાં આવ્યું છે. ઈઝરાયેલમાં તેનો પહેલો કેસ નોંધાયો છે.
ઈઝરાયેલના નેશનલ હેલ્થ ડિપાર્ટમેન્ટે શુક્રવારે દેશમા લોકોને કોરોનાના વૅક્સિનનો ચોથો એટલે કે બીજો સુપર ડોઝ આપવાનું ચાલુ કરી દીધું છે. હાલ ચોથો ડોઝ સિનિયર સિટિઝન અને લો ઈમ્યુનીટીવાળાઓને આપવામાં આવી રહ્યો છે. ઈઝરાયેલ પહેલો દેશ બની ગયો છે જે પોતાના નાગરિકોને ચોથી વખત વેક્સિન આપી રહી છે.
લો બોલો, જાપાનમાં સર્જાયેલી ફ્રેન્ચ ફ્રાઈસની અછતને પહોંચી વળવા બટાટાને કરાશે એરલિફ્ટ; જાણો વિગત
થોડા વખત પહેલા જ ઈઝરાયેલના વડાપ્રધાન નફતાલી બેનેટે સિનિયર સિટિઝન અને ગંભીર બીમારી ધરાવતા લોકો માટે સુપર ડોઝની જાહેરાત કરી હતી.
ન્યુઝ કન્ટિન્યુઝ બ્યુરો
મુંબઈ,1 જાન્યુઆરી 2022
શનિવાર.
કેન્દ્ર સરકારના નિર્દેશ મુજબ 15થી 18 વર્ષના એજ ગ્રુપના બાળકોને 3 જાન્યુઆરીથી વૅક્સિન આપવામાં આવવાની છે. મુંબઈમાં 9 લાખ બાળકોને વૅક્સિન આપવામાં આવવાની છે. તે માટે આજે પહેલી જાન્યુઆરીથી ઓનલાઈન નામનું રજિસ્ટ્રેશન ચાલુ થશે. બાળકોને ફક્ત કોવેક્સિન આપવામા આવવાની છે.
મુંબઈમાં 16 જાન્યુઆરી 2021થી વૅક્સિનેશન ઝુંબેશ ચાલુ થઈ હતી. હેલ્થ વર્કર, અત્યાવશ્યક સેવા સાથે સંકળાયેલા કર્મચારી, સિનિયર સિટિઝનને પ્રાથમિકતા આપવામાં આવી હતી. ત્યારબાદ પહેલી મે 2021થી 18 વર્ષથી ઉપરના લોકોને વૅક્સિન આપવાનું ચાલુ કરવામાં આવ્યુ હતું. પાલિકા, સરકારી અને ખાનગી એમ કુલ 451 વૅક્સિનેશન સેન્ટર ચાલુ કરવામાં આવ્યા હતા. હવે 15થી 18 વર્ષના બાળકો માટે 3 જાન્યુઆરી 2022થી વૅક્સિનેશન ઝુંબેશ ચાલુ થશે. તે મુજબ હાલ 2007માં અથવા તેના પહેલા જન્મેલા બાળકને વૅક્સિન આપવામાં આવશે.
બાળકોને કોવિન સિસ્ટમ પર પોતાના મોબાઈલ નંબરથી વૅક્સિનેશન માટે રજિસ્ટ્રેશન કરવાનું રહેશે. વૅક્સિનેશ સેન્ટર વોક-ઈન પણ રજિસ્ટ્રેશન રહેશે.
ન્યુઝ કન્ટિન્યુઝ બ્યુરો
મુંબઈ, 31 ડિસેમ્બર 2021
શુક્રવાર
જાન્યુઆરીના પ્રથમ સપ્તાહથી દેશમાં ૧૫ થી ૧૮ વર્ષની વયના બાળકોને કોરોના સામે રસી આપવામાં આવશે.
આ માટે ૧ જાન્યુઆરીથી કોવિન એપ પર નોંધણી કરાવી શકાશે.
હાલ શરૂઆતમાં બાળકોને ફક્ત કોવેક્સિન જ અપાશે.
નોંધણી માટે ધોરણ ૧૦ નું આઈડી કાર્ડ પણ ઓળખ પુરાવા તરીકે ગણવામાં આવશે.
ન્યુઝ કન્ટિન્યુઝ બ્યુરો
મુંબઈ, 27 ડિસેમ્બર 2021
સોમવાર.
60 વર્ષથી વધુ ઉંમરના લોકોને બીજો ડોઝ લીધાનાં 9 મહિના સુધીમાં બુસ્ટર ડોઝ મળશે.
કોવિન ના સીઇઓ ડો. R. S. શર્માના જણાવ્યાનુસાર જો તમારી ઉંમર 60 વર્ષથી વધારે હોય અને તમે રસીના 2 ડોઝ લીધા હોય તો તેના 9 મહિનાના અંતર બાદ તમને પ્રિકોશન ડોઝ મળી શકશે.
શરૂઆતમાં આ ત્રીજો ડોઝ ફ્રંટલાઈન વર્કર્સ, હેલ્થકેર વર્કર્સ, ગંભીર બીમારી ધરાવતા અને 60 વર્ષથી ઉપરના લોકોને આપવામાં આવશે.
નવો વેરિયન્ટ વેકસીનેટેડ લોકોને પણ અસર કરી રહ્યો છે એટલે ફ્રન્ટ લાઇન વર્કર્સ અને વૃદ્ધોને બુસ્ટર ડોઝની જરૂર જણાઈ રહી છે. માટે સરકારે આ નિર્ણય લેવો પડ્યો હતો.
ઉલ્લેખનીય છે કે ભારતમાં 10 જાન્યુઆરીથી કોરોના વેક્સિનનો બુસ્ટર ડોઝ આપવાની જાહેરાત કરવામાં આવી છે.
ન્યુઝ કન્ટિન્યુઝ બ્યુરો
મુંબઈ, 27 ડિસેમ્બર 2021
સોમવાર.
કોરોનાની ત્રીજી લહેરની શક્યતા સેવાઈ રહી છે ત્યારે 15થી 18 વર્ષના બાળકો-તરૂણો માટે ત્રીજી જાન્યુઆરીથી કોરોના રસી આપવાની જાહેરાત કરાઈ છે.
બાળકોના રસીકરણ અંગે કોવિડ ટાસ્ક ફોર્સના સભ્ય ડો. દિલીપ માવલંકરનું કહેવું છે કે, બાળકોને રસી અપાવવા માટે વાલીઓએ આગળ આવવું પડશે.
બાળકો પોતાને રસી આપવા માટે પરવાનગી આપી શકે નહિ, તેના માટે માતા-પિતાએ મંજૂરી આપવી જરૂરી છે.
મહત્ત્વનું છે કે, ફ્રન્ટલાઈન કોરોના વોરિયર્સ માટે બુસ્ટર ડોઝ આપવાની જાહેરાત કરાઈ છે, જેનાથી તબીબોને પણ રક્ષણ મળશે.
ન્યુઝ કન્ટિન્યુઝ બ્યુરો
મુંબઈ. 23 ડિસેમ્બર 2021
ગુરુવાર.
ભારતમાં રસીકરણની ઝડપી ગતિ દ્વારા એક માઈલસ્ટોન હાંસલ કરવામાં આવ્યો છે.
પ્રાપ્ત જાણકારી મુજબ દેશની 60 ટકા વસ્તીએ સંપૂર્ણ રસીકરણ કરાવ્યું છે.
કેન્દ્રીય સ્વાસ્થ્ય મંત્રી ડૉ. મનસુખ માંડવિયાએ ટ્વીટ કરીને કહ્યું, જનભાગીદારી અને અમારા આરોગ્ય કર્મચારીઓના સમર્પિત પ્રયાસોથી, ભારતની 60 ટકાથી વધુ પાત્ર વસ્તીને સંપૂર્ણ રસી આપવામાં આવી છે.
હાલમાં ભારતમાં કોવિશિલ્ડ, કોવેક્સિન, સ્પુટનિક વી દ્વારા લોકોને રસી આપવામાં આવી રહી છે.
ભારતમાં 16 જાન્યુઆરીથી દેશવ્યાપી રસીકરણ શરૂ થયું. પ્રથમ તબક્કા હેઠળ આરોગ્ય કર્મચારીઓને રસી આપવામાં આવી હતી.
હેં! મુંબઈ મહાનગરપાલિકાના આંશકા, શહેરમાં કોરોના કેસમાં ફરી જોવા મળશે વધારો; જાણો વિગત
ન્યુઝ કન્ટિન્યુઝ બ્યુરો
મુંબઈ. 16 ડિસેમ્બર 2021
ગુરુવાર.
દેશભરમાં કોવિડ-19ના વેક્સિનેશનમાં મહારાષ્ટ્ર અગ્રેસર છે. છતાં હજી રાજ્યના અનેક શહેર જિલ્લામાં લોકો વેક્સિન લેવાનું ટાળી રહ્યા છે. ત્યારે નાશિકમાં હવે વેક્સિન નહીં લેનારાઓને સાર્વજનિક સ્થળે ફરવું મુશ્કેલ થઈ પડવાનું છે. જિલ્લા પ્રશાસને વેક્સિનેશનને લઈને સખત થવાનો નિર્ણય લીધો છે.
મહારાષ્ટ્રમાં માંડ માંડ કોરોના નિયંત્રણમાં આવ્યો છે. જોકે હવે કોરોનાના નવા વેરિયન્ટ ઓમીક્રોનને કારણે ટેન્શન વધી ગયું છે. ત્યારે સરકાર પણ ઝડપથી વેક્સિનેશન ઝુંબેશને પૂરી કરવા માંગે છે. જોકે હજુ પણ અનેક લોકો વેક્સિન લેવાથી દૂર ભાગી રહ્યા છે. પ્રશાસનને લોકો દાદ આપતા નથી. આવા લોકોને સીધા દોર કરવા માટે સાર્વજનિક સ્થળે વેક્સિન વગરના લોકોને એન્ટ્રી નહીં આપવાનો નિર્ણય લેવામાં આવ્યો છે. કોરોનાને મુદ્દે નાશિકના પાલક પ્રધાન છગન ભુજબળે સ્થાનિક પ્રશાસન સાથે બેઠક કરી હતી, જેમાં આ નિર્ણય લેવામા આવ્યો હતો. આ નિયમ 23 ડિસેમ્બર 2021થી અમલમા મૂકવામાં આવવાનો છે. નાગરિકોને એક અઠવાડિયાની મુદત આપવામાં આવી છે, ત્યારબાદ સાર્વજિક સ્થળ અને એસ્ટાબ્લિશમેન્ટમાં પ્રવેશ કરનારાઓને આ નિયમ લાગુ પડશે. વેક્સિન વગરની કોઈ વ્યક્તિ મળી આવશે તો સંબંધિત એસ્ટાબ્લિશમેન્ટને તે માટે જવાબદાર ગણવામા આવશે.
નાશિકમાં હાલ 401 દર્દી એક્ટિવ છે. જિલ્લામાં કોરોના પોઝિટિવિટી રેટ 0.8 ટકા છે. મ્યુકરમાયક્રોસિસના 12 દર્દીઓ સારવાર લઈ રહ્યા છે.
'મેટ્રો મેન' ઇ શ્રીધરને સક્રિય રાજકારણને કહ્યું અલવિદા, જણાવ્યો આગળ શું છે પ્લાન