News Continuous Bureau | Mumbai
Trump Iran Oil Seizure Threat: પશ્ચિમ એશિયામાં ચાલી રહેલા સંઘર્ષ વચ્ચે અમેરિકી રાષ્ટ્રપતિ ડોનાલ્ડ ટ્રમ્પે એક અત્યંત આક્રમક નિવેદન આપ્યું છે. મીડિયા ને આપેલા ઇન્ટરવ્યુમાં ટ્રમ્પે સાફ શબ્દોમાં કહ્યું છે કે તેઓ ઈરાનનું તેલ લેવાનું પસંદ કરશે અને જરૂર પડશે તો અમેરિકા ઈરાનના મુખ્ય તેલ નિકાસ કેન્દ્ર ખર્ગ દ્વીપ પર કબજો પણ કરી શકે છે.ખર્ગ દ્વીપ ઈરાનનો સૌથી મહત્વનો તેલ નિકાસ હબ છે, જ્યાંથી દેશનું મોટાભાગનું કાચું તેલ વિશ્વભરમાં મોકલવામાં આવે છે. જો અમેરિકા આ દ્વીપ પર કબજો કરે અથવા તેને નષ્ટ કરે, તો ઈરાનની અર્થવ્યવસ્થા સંપૂર્ણપણે ભાંગી પડે તેમ છે.
અમેરિકી સેનાની મોટી કાર્યવાહી
ટ્રમ્પે પોતાના સોશિયલ મીડિયા પ્લેટફોર્મ ‘ટ્રુથ સોશિયલ’ પર દાવો કર્યો છે કે અમેરિકી દળોએ ઈરાનમાં અનેક લાંબા સમયથી શોધાઈ રહેલા લક્ષ્યોને સફળતાપૂર્વક નષ્ટ કર્યા છે. તેમણે અમેરિકી સેનાને વિશ્વની સૌથી ઘાતક સેના ગણાવીને જવાનોની પ્રશંસા કરી છે. રિપોર્ટ્સ મુજબ, અમેરિકાએ આ વિસ્તારમાં ૧૦,૦૦૦ વધારાના સૈનિકોની તૈનાતીની યોજના બનાવી છે.
વાટાઘાટો અને 6 એપ્રિલની ડેડલાઈન
યુદ્ધની તૈયારીઓ વચ્ચે ટ્રમ્પે એવો પણ દાવો કર્યો છે કે પાકિસ્તાન દ્વારા ઈરાન સાથે પરોક્ષ વાતચીત ચાલી રહી છે.ઈરાનને સમજૂતી માટે ૬ એપ્રિલ ૨૦૨૬ સુધીનો સમય આપવામાં આવ્યો છે. જો નિર્ધારિત સમયમાં સમજૂતી નહીં થાય, તો અમેરિકા ઈરાનના ઉર્જા માળખા (Energy Infrastructure) પર સીધો હુમલો કરી શકે છે.
આ સમાચાર પણ વાંચો : IndiGo Flight Operations:ઈન્ડિગોની ફ્લાઈટ્સમાં ૧૦% નો કાપ! DGCA ના નવા શેડ્યૂલથી એર ટ્રાવેલ પર થશે મોટી અસર..
ઘર્ષનો વ્યાપ અને જોખમ
નિષ્ણાતો માને છે કે જો અમેરિકા ખર્ગ દ્વીપ પર હુમલો કરશે, તો ઈરાન પલટવાર તરીકે હોર્મુઝની આસપાસના દરિયામાં મોટી માત્રામાં સુરંગો બિછાવી શકે છે. દરમિયાન, સાઉદી અરેબિયા સ્થિત અમેરિકી એરબેઝ પર થયેલા હુમલા અને યમનના હૂતી વિદ્રોહીઓની સક્રિયતાએ આ યુદ્ધને વધુ જટિલ બનાવી દીધું છે.
