News Continuous Bureau | Mumbai

Model sold face:  આજનો સમય એવો બની ગયો છે કે લોકો પૈસા કમાવવા માટે કંઈ પણ કરવા તૈયાર થઇ જાય છે. કેટલાક લોકો સખત મહેનત કરીને પૈસા કમાવવાનું વિચારે છે તો કેટલાક સરળતાથી પૈસા કમાવવા માટે વિચિત્ર જુગાડ અપનાવે છે. આવો જ એક કિસ્સો વાયરલ થઈ રહ્યો છે અને તેના વિશે જાણીને બધા ચોંકી ગયા છે. આ કિસ્સો એવો છે કે એક મહિલાએ પૈસા કમાવવા માટે પોતાનો ચહેરો વેચી દીધો. તમને આ વાંચીને નવાઈ લાગી હશે કે કોઈ પોતાનો ચહેરો વેચીને પૈસા કેવી રીતે કમાઈ શકે છે? તો ચાલો જણાવીએ કે આ આખા મામલાનું સત્ય..  

Model sold face: પોતાનો ચહેરો એક આર્ટિફિશિયલ ઇન્ટેલિજન્સ સ્ટાર્ટ-અપને વેચી દીધો.

મીડિયા રિપોર્ટ મુજબ લ્યુસી નામની એક મહિલાએ, અન્ય ઘણી સેલિબ્રિટીઓની જેમ, પોતાનો ચહેરો એક આર્ટિફિશિયલ ઇન્ટેલિજન્સ સ્ટાર્ટ-અપને વેચી દીધો. જેના માટે કંપનીએ તેમને એક લાખ રૂપિયાથી વધુ ચૂકવ્યા હતા.આ પૈસા મેળવીને લ્યુસી ખૂબ જ ખુશ હતી, પરંતુ કંપનીએ ફરીથી સ્પષ્ટતા કરતા કહ્યું કે તેઓ તેની પરવાનગી લીધા વિના પણ લ્યુસીના ચહેરાનો ઉપયોગ ગમે ત્યાં કરશે. આ બધું એટલા માટે થયું કારણ કે કંપનીએ લ્યુસીને તેના ચહેરા માટે 1,500 પાઉન્ડ એટલે કે લગભગ 1 લાખ 60 હજાર રૂપિયા ચૂકવ્યા છે.

Model sold face: પોતાની ભૂલનો અહેસાસ થયો

એક મીડિયાને આપેલા ઇન્ટરવ્યુમાં લ્યુસીએ માહિતી આપી હતી કે તેણે કંપનીને આવા ઘણા વીડિયો આપ્યા હતા, જેને બનાવવામાં તેને બે કલાકથી વધુ સમય લાગ્યો હતો. પરંતુ પછી જ્યારે લ્યુસી પાસે કંપની દ્વારા આપવામાં આવેલા પૈસા ખતમ થઈ ગયા ત્યારે તેને પોતાની ભૂલનો અહેસાસ થયો. લ્યુસી આગળ કહે છે કે તેને પોતાની ભૂલનો ખૂબ પસ્તાવો છે, પરંતુ હવે તેને ડર પણ છે કે કંપની તેના ચહેરાનો ઉપયોગ કોઈ ખોટી જગ્યાએ ન કરે. જેના પરિણામો તેને ભવિષ્યમાં ભોગવવા પડે.

આ સમાચાર પણ વાંચો :  ChatGPT DeepSeek AI : AI એપ્સથી થઇ શકે છે જાસૂસી? મોદી સરકાર થઇ એલર્ટ, સરકારી કર્મચારીઓને ChatGPT અને DeepSeekને લઈને આપ્યા આ આદેશ..

Model sold face:  કંપનીઓ નકલી અવતાર માટે  કરે છે વાસ્તવિક ચહેરાઓનો ઉપયોગ.

જણાવી દઈએ કે આવી કંપનીઓ નકલી અવતાર માટે વાસ્તવિક ચહેરાઓનો ઉપયોગ કરે છે. ટેક ન્યૂઝ સાઇટ ધ ઇન્ફોર્મેશન દ્વારા આ અંગે એક અહેવાલ પ્રકાશિત કરવામાં આવ્યો હતો, જેમાં કહેવામાં આવ્યું હતું કે મેટાએ કથિત રીતે પેરિસ હિલ્ટન, સ્નૂપ ડોગ, ચાર્લી ડી’એમેલિયો જેવી સેલિબ્રિટીઓને તેમના ચહેરાનો ઉપયોગ કરવાની પરવાનગી મેળવવા માટે પૈસા ચૂકવ્યા છે. આ માટે કંપનીઓ મોડેલો અને કલાકારોને લાખો રૂપિયા પણ ચૂકવે છે.