News Continuous Bureau | Mumbai

ખર્ચા બાબતે મુંબઈ અને અમદાવાદ મોંઘા પુરવાર થઈ રહ્યા છે ત્યારે કર્મચારીઓને પગાર આપવા બાબતે આ બંને શહેરનું પ્રદર્શન સારું નથી. આ શહેરમાં કામ કરનાર લોકો અન્ય શહેરમાં કામ કરનાર કર્મચારીઓ કરતા ઓછું કમાઈ રહ્યા હોય તેવું લાગે છે.

મીડિયામાં પ્રસારિત થયેલા એક અહેવાલ મુજબ રિપોર્ટ દર્શાવે છે કે ભારત દેશમાં ચાર કે તેથી વધુ વર્ષનો અનુભવ ધરાવતા ડિલિવરી કામદારો સરેરાશ રૂ. 2.24-3.68 લાખ પ્રતિ વર્ષ (LPA) સુધીનો પગાર મેળવે છે. રિપોર્ટમાં ખુલાસો થયો છે કે બેંગલુરુ અને ચેન્નાઈમાં ડિલિવરી વર્કર મુંબઈ અને કોલકાતા કરતાં પ્રમાણમાં વધારે પગાર મેળવે છે.

બ્લુ અને ગ્રે-કોલર જોબ સીકર્સ માટે જોબ પ્લેટફોર્મ બિલિયન કેરિયર્સ, Quess Corp ની પેટાકંપનીએ જાન્યુઆરી 2023 દરમિયાન Qjobs પર ભરતી કરનાર જોબ પોસ્ટિંગ ડેટાના આધારે ભારતમાં બ્લુ અને ગ્રે-કોલર કર્મચારીઓના પગારના ધોરણ અને તેની આધારે બનાવાયેલો રિપોર્ટ પ્રસ્તુત કર્યો છે.

ડેટા સૂચવે છે કે ચાર વર્ષથી વધુ અનુભવ ધરાવતા ડિલિવરી કામદારો સમાન અનુભવ સ્તર ધરાવતા અન્ય શહેરોમાં તેમના સમકક્ષો કરતાં વધુ પગાર મેળવે છે. જો કે, ડિલિવરી કામદારોનો સરેરાશ પગાર હંમેશા અનુભવ સાથે સતત વધતો નથી, જે દિલ્હીના કિસ્સામાં સ્પષ્ટ થાય છે, જ્યાં 1-3 વર્ષનો અનુભવ ધરાવતા કામદારનો સરેરાશ પગાર શહેરના ફ્રેશર કરતા ઓછો હોય છે.

આ સમાચાર પણ વાંચો :  બજાજ ઓટોના ચેરમેન નિરજ બજાજે મુંબઈના મલબાર હિલમાં રૂ. 252.5 કરોડમાં ટ્રિપ્લેક્સ ખરીદ્યું.

કસ્ટમર કેર માં સૌથી વધુ પગાર પામતા લોકો કલકત્તામાં કામ કરે છે.

ડેટા દર્શાવે છે કે કોલકાતામાં, 1-3 વર્ષનો અનુભવ ધરાવતા લોકો કરતાં ફ્રેશર કસ્ટમર કેર પ્રોફેશનલ્સનો પગાર વધારે છે, જ્યારે મુંબઈ, પુણે અને દિલ્હીમાં અનુભવ સાથે પગાર વધે છે.

એન્ટ્રી લેવલ ફિલ્ડ સેલ્સ બેંગલુરુમાં સૌથી વધુ વેતન મેળવે છે

ડેટા દર્શાવે છે કે બેંગલુરુમાં ફિલ્ડ સેલ્સ એક્ઝિક્યુટિવ્સનો સરેરાશ પગાર તમામ શહેરોમાં સૌથી વધુ છે, જે ફ્રેશર્સ માટે 2.3 LPA થી ચાર વર્ષ કે તેથી વધુ અનુભવ ધરાવતા લોકો માટે 2.63 LPA છે.

ચેન્નાઈ, હૈદરાબાદ અને મુંબઈમાં 2.24 -2.57 LPAની રેન્જ સાથે બેંગલુરુની સરખામણીમાં થોડો ઓછો સરેરાશ પગાર છે, જ્યારે દિલ્હી અને પુણેમાં સૌથી ઓછો સરેરાશ પગાર છે, જે 2.12-2.48 LPA છે.