News Continuous Bureau | Mumbai

બોલિવૂડ મેગાસ્ટાર અમિતાભ બચ્ચન માર્ચની શરૂઆતમાં તેમની આગામી ફિલ્મ ‘પ્રોજેક્ટ કે’ના શૂટિંગ દરમિયાન સેટ પર ઘાયલ થયા હતા. આ ઘટના ત્યારે બની જ્યારે તે હૈદરાબાદમાં ફિલ્મના સેટ પર એક એક્શન સિક્વન્સનું શૂટિંગ કરી રહ્યા હતા . આ અકસ્માતમાં, અમિતાભ બચ્ચનની પાંસળી માં ઇજા થઇ હતી. જે પછી અભિનેતા ફિલ્મનું શૂટિંગ બંધ કરીને મુંબઈ પાછા આવી ગયા અને તેમના બઁગલા જલસામાં બેડ રેસ્ટ પર છે.

બિગ બીએ આપી હેલ્થ અપડેટ

સોશિયલ મીડિયા પર એક્ટિવ રહેતા બિગ બીએ પોતાના ઈન્સ્ટાગ્રામ એકાઉન્ટ પર પોતાનો એક થ્રોબેક ફોટો શેર કર્યો છે. તસવીરમાં તે રેમ્પ વોક કરતો જોવા મળી રહ્યા છે. બિગ બીએ રેમ્પ વોક માટે બ્લેક કલરના કુર્તા-પાયજામા પહેર્યા છે. તેના કુર્તા પર સફેદ ભરતકામ છે. સફેદ બુટ અને કાળા ગોગલ્સમાં તે ખૂબ જ સુંદર લાગી રહ્યા છે. રેમ્પ વોકનો આ જૂનો ફોટો શેર કરતા બિગ બીએ કહ્યું કે તેઓ ફરીથી રેમ્પ વોક કરવા માટે ઉત્સુક છે.

અમિતાભ બચ્ચને માન્યો આભાર  

આ સમાચાર તેના ચાહકો માટે ખુશીના છે કારણ કે અભિનેતા હવે સ્વસ્થ થઈ ગયા છે અને ટૂંક સમયમાં રેમ્પ પર પાછા ફરશે અને અભિનેતાએ તે બધાનો આભાર પણ માન્યો છે. જેમણે તેમના સાજા થવા માટે પ્રાર્થના કરી અને તેમની શુભેચ્છાઓ મોકલી. અમિતાભ બચ્ચને પોતાના ઈન્સ્ટાગ્રામ એકાઉન્ટ પર પોતાની એક તસવીર શેર કરી અને કેપ્શનમાં લખ્યું, “મારી રિકવરી માટે તમામ પ્રાર્થના અને શુભેચ્છાઓ માટે આભાર. હું ઠીક છું ટૂંક સમયમાં રેમ્પ પર પાછા આવવાની રાહ જોઈ રહ્યો છું.” અભિનેતાની આ પોસ્ટથી તેના ચાહકો ખુશ છે.