News Continuous Bureau | Mumbai
Lockdown Hindi Release: ‘પ્રેમમ’ ફેમ અભિનેત્રી અનુપમા પરમેશ્વરનની તમિલ ફિલ્મ ‘લોકડાઉન’ ઓટીટી પ્લેટફોર્મ એમેઝોન પ્રાઇમ વિડિયો પર રિલીઝ કરવામાં આવી છે. લાયકા પ્રોડક્શન્સે સોશિયલ મીડિયા પર આ અંગેની સત્તાવાર જાહેરાત કરી છે. આ ફિલ્મ તમિલ અને તેલુગુ ઉપરાંત હિન્દી ડબ વર્ઝનમાં પણ ઉપલબ્ધ છે, જેના કારણે હિન્દી દર્શકોમાં પણ ભારે ઉત્સાહ જોવા મળી રહ્યો છે.એઆર જીવા દ્વારા નિર્દેશિત આ ફિલ્મ મૂળભૂત રીતે કોવિડ-19 મહામારીના સમયગાળા પર આધારિત છે. ફિલ્મમાં અનુપમાએ ‘અનીતા’ નામની યુવતીનું પાત્ર ભજવ્યું છે, જે ચેન્નાઈમાં એક મધ્યમવર્ગીય પરિવારમાંથી આવે છે. અનીતાના સપના મોટા છે અને તે નોકરી કરીને આગળ વધવા માંગે છે, પરંતુ લોકડાઉન દરમિયાન તેની જિંદગી એક ભયાનક વળાંક લે છે.
આ સમાચાર પણ વાંચો : Dhurandhar 2: રણવીર સિંહની ફિલ્મ ‘ધુરંધર 2’ માં યામી ગૌતમ સહિત આદિત્ય ધરના પરિવારના 4 સભ્યો, જાણો કોણ કઈ ભૂમિકામાં છે
શું છે ‘લોકડાઉન’ ફિલ્મની વાર્તા?
ફિલ્મની વાર્તા અનીતાની આસપાસ ફરે છે, જે લગ્ન વગર પ્રેગ્નન્ટ થઈ જાય છે. એક તરફ આખું દેશ લોકડાઉનમાં બંધ છે, ત્યારે અનીતા તેના જીવનના આ સૌથી મોટા રહસ્યને છુપાવવાનો પ્રયત્ન કરે છે. તેના મિત્રો તેને એબોર્શન (ગર્ભપાત) કરાવવાની સલાહ આપે છે, પરંતુ લોકડાઉનને કારણે હોસ્પિટલ પહોંચવું અને એકલા હાથે આ પરિસ્થિતિનો સામનો કરવો તેના માટે માનસિક અને શારીરિક રીતે અત્યંત કઠિન બની જાય છે.
એવું કહેવામાં આવે છે કે આ ફિલ્મ કેટલીક સત્ય ઘટનાઓ પરથી પ્રેરિત છે. તે એક અવિવાહિત યુવતીને સમાજ અને કાયદાકીય મર્યાદાઓ વચ્ચે એબોર્શન કરાવવામાં આવતી મુશ્કેલીઓને અત્યંત જીવંત રીતે દર્શાવે છે. ફિલ્મમાં ડ્રામા અને ઇમોશન્સ તેના ચરમસીમા પર છે, જે દર્શકોને અનીતાના માનસિક તણાવનો અનુભવ કરાવે છે.આ ફિલ્મને નવેમ્બર 2025માં ગોવા ખાતે આયોજિત ઇન્ટરનેશનલ ફિલ્મ ફેસ્ટિવલમાં પણ પ્રદર્શિત કરવામાં આવી હતી, જ્યાં તેને ખૂબ જ સારો પ્રતિસાદ મળ્યો હતો.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
