News Continuous Bureau | Mumbai
Homebound OTT Release: ભારતની ઓસ્કર એન્ટ્રી ‘હોમબાઉન્ડ’ હવે ઓટીટી પર ઉપલબ્ધ છે. નીરજ ઘાયવાન દિગ્દર્શિત આ ફિલ્મ 21 મે 2025ના રોજ કાન્સ ફિલ્મ ફેસ્ટિવલ ના Un Certain Regard વિભાગમાં દર્શાવવામાં આવી હતી, જ્યાં તેને પ્રશંસા મળી. ત્યારબાદ આ ફિલ્મને 98મા ઓસ્કર એવોર્ડ્સમાં બેસ્ટ ઈન્ટરનેશનલ ફીચર ફિલ્મ કેટેગરી માટે ઓફિશિયલ એન્ટ્રી તરીકે પસંદ કરવામાં આવી.
આ સમાચાર પણ વાંચો : Aishwarya Rai bachchan: શ્રી સત્ય સાઈ બાબાના શતાબ્દી સમારોહમાં ઐશ્વર્યા રાય બચ્ચન નું પ્રેરક સંબોધન: PM મોદીના આશીર્વાદ લીધા
ક્યાં અને ક્યારે જોઈ શકશો?
ફિલ્મ 21 નવેમ્બર 2025થી નેટફ્લિક્સ પર સ્ટ્રીમિંગ માટે ઉપલબ્ધ છે. નેટફ્લિક્સે પોસ્ટર શેર કરીને લખ્યું – “એક લાંબી સફર ઘર તરફ… એક એવી મિત્રતા જે ઘર જેવી લાગે. ભારતની ઓસ્કર એન્ટ્રી, હોમબાઉન્ડ, હવે નેટફ્લિક્સ પર.” ‘હોમબાઉન્ડ’ બે બાળપણના મિત્રો વિશે છે, જે ભારતના એક ગરીબ ગામમાં રહે છે અને પોલીસ ઓફિસર બનવાનું સપનું જુએ છે. તેમની મુશ્કેલીઓ વચ્ચે મિત્રતા વધુ મજબૂત બને છે. પરંતુ અચાનક દેશભરમાં લોકડાઉન લાગતા એક મિત્ર ગંભીર રીતે બીમાર થઈ જાય છે. ત્યારબાદ બંનેને ઘર પહોંચવા માટે લાંબી અને ભાવુક સફર કરવી પડે છે.
View this post on Instagram
ફિલ્મમાં વિશાલ જેઠવા, જાહ્નવી કપૂરઅને ઈશાન ખટ્ટર મુખ્ય ભૂમિકામાં છે. ફિલ્મને કરણ જોહર અને ધર્મા પ્રોડક્શન હેઠળ પ્રોડ્યુસ કરવામાં આવી છે. ડિરેક્ટર નીરજ ઘાયવાને કહ્યું – “આ ફિલ્મ સાચી મિત્રતાથી પ્રેરિત છે અને હવે નેટફ્લિક્સ પર 190 દેશોમાં દર્શકો તેને જોઈ શકશે.”
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
