News Continuous Bureau | Mumbai
Shah Bano Case: બોલીવૂડ અભિનેત્રી યામી ગૌતમ આગામી ફિલ્મ ‘હક’ માં શાહબાનો બેગમ નું પાત્ર ભજવશે. 1985માં સુપ્રીમ કોર્ટના ઐતિહાસિક ચુકાદા સાથે જોડાયેલો શાહબાનો કેસ આજે પણ ભારતના કાયદાકીય અને સામાજિક ચર્ચાઓમાં કેન્દ્રસ્થાને છે. ફિલ્મ ‘હક’ એ એક એવી મહિલાની કહાની છે, જે પોતાના હક્ક માટે લડી અને સમગ્ર દેશના કાયદા અને સમાજને વિચારવા મજબૂર કર્યો.
આ સમાચાર પણ વાંચો : The Bads of Bollywood: ધ બેડસ ઓફ બોલિવૂડ માં રણબીર કપૂર ના આ સીન પર વિવાદ, NHRCએ કરી FIRની માંગ
શાહબાનો કોણ હતી?
શાહબાનો બેગમ એ 1978માં 62 વર્ષની ઉંમરે પતિ દ્વારા ત્યાગી ગયેલી એક મુસ્લિમ મહિલા હતી. તેના પતિ, મોહમ્મદ અહમદ ખાન, એક જાણીતા વકીલ હતા. 43 વર્ષના લગ્ન અને પાંચ બાળકો પછી, તેણે શાહબાનોને છૂટાછેડા આપી દીધા.છૂટાછેડા પછી શાહબાનો પાસે જીવન ગુજારવા નું કોઈ સાધન નહોતું, તેથી તેણે CRPC ની કલમ 125 હેઠળ ગુજારો ભથ્થાની માંગ સાથે કોર્ટમાં અરજી કરી.
1985માં સુપ્રીમ કોર્ટ એ શાહબાનોના પક્ષમાં ચુકાદો આપ્યો. કોર્ટે જણાવ્યું કે કલમ 125 દરેક નાગરિક પર લાગુ પડે છે અને પતિએ છૂટાછેડા પછી પણ પત્નીનો ગુજારો કરવો જોઈએ. આ ચુકાદામાં સમાન નાગરિક સંહિતા લાગુ કરવાની પણ ભલામણ કરવામાં આવી હતી. આ નિર્ણય મહિલાઓના અધિકાર માટે એક મોટી જીત સાબિત થયો.સુપ્રીમ કોર્ટના ચુકાદા પછી દેશભરમાં વિવાદ ઊભો થયો. મુસ્લિમ પર્સનલ લૉ બોર્ડ અને અન્ય સંગઠનો દ્વારા વિરોધ થયો. સરકારએ દબાણમાં આવીને 1986માં ‘મુસ્લિમ મહિલા (તલાક પર અધિકારનું સંરક્ષણ) અધિનિયમ’ પસાર કર્યો, જે સુપ્રીમ કોર્ટના ચુકાદાને પલટાવતો હતો. આ કાયદા મુજબ મહિલાને માત્ર ‘ઇદ્દત’ (Iddat) ની અવધિ માટે જ ભથ્થું મળવાનું હતું.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
