News Continuous Bureau | Mumbai
Orange Ginger Shot: આજકાલ હેલ્થ પ્રત્યે જાગૃત લોકો સવારે ઉઠીને હેલ્ધી જ્યુસના ‘શૉટ્સ’ (Shots) લેવાનું પસંદ કરે છે. એક ગેસ્ટ્રોએન્ટેરોલોજિસ્ટ ડોક્ટર ના જણાવ્યા મુજબ, ઓરેન્જ જીંજર શૉટ સ્વાસ્થ્ય માટે ખૂબ જ ફાયદાકારક છે. જોકે આખું જ્યુસ પીવાને બદલે માત્ર 30 થી 50 મિલીલીટરનો એક શૉટ લેવો વધુ હિતાવહ છે.આ પાવરફુલ ડ્રિંકમાં સંતરા, આદુ અને ગાજરનો ઉપયોગ કરવામાં આવે છે. આ ત્રણેય વસ્તુઓ કુદરતી ગુણોથી ભરપૂર છે જે શરીરને ડિટોક્સ કરવામાં મદદ કરે છે. તેને ઘરે તાજું બનાવીને પીવાથી તેની અસર બમણી થઈ જાય છે.
ઓરેન્જ જીંજર શૉટના અદભૂત ફાયદા
ગાજર: ગાજરમાં બીટા-કેરોટીન હોય છે, જે શક્તિશાળી એન્ટી-ઓક્સિડન્ટ છે અને રોગપ્રતિકારક શક્તિ મજબૂત બનાવે છે.
સંતરા: સંતરા વિટામિન C અને ફ્લેવોનોઈડ્સથી ભરપૂર હોય છે, જે હાર્ટ એટેક કે સ્ટ્રોકનું જોખમ ઘટાડવામાં મદદરૂપ થઈ શકે છે.
આદુ: આદુમાં રહેલું જીંજરોલ પાચનમાં મદદ કરે છે અને શરીરમાં સોજો ઘટાડવાનું કામ કરે છે.
આ સમાચાર પણ વાંચો: Tragedy at Bandra Station: બાંદ્રા સ્ટેશન પર પથ્થરમારો: સામાન્ય ઝઘડામાં નિર્દોષ મુસાફરે એક આંખ ગુમાવી, યુપીના આઝમગઢનો હુમલાખોર ઝડપાયો.
ઓરેન્જ જીંજર શૉટ બનાવવાની રેસીપી
સામગ્રી: 2 મધ્યમ ગાજર, 1 સંતરું, 1 ઈંચ આદુનો ટુકડો. બનાવવાની રીત:
સૌ પ્રથમ ગાજરને છોલીને નાના ટુકડા કરી લો.
સંતરાની છાલ કાઢી લો અને આદુના ટુકડા કરી લો.
આ બધી વસ્તુઓને જ્યુસરમાં નાખીને જ્યુસ કાઢી લો. (જો જ્યુસર ન હોય તો મિક્સરમાં પીસીને કપડા કે ગળણીથી ગાળી લો).
આ જ્યુસને નાના શૉટ ગ્લાસમાં ભરી લો. તમે તેને ફ્રીજમાં 1-2 દિવસ માટે સ્ટોર (Store) પણ કરી શકો છો.
પીવાનો યોગ્ય સમય
નિષ્ણાતોના મતે, આ શૉટ સવારે ખાલી પેટે પીવો સૌથી વધુ ફાયદાકારક છે. તે મેટાબોલિઝમને બુસ્ટ કરે છે અને આખો દિવસ તમને ઉર્જાવાન રાખે છે. જોકે, વધુ પડતી માત્રામાં જ્યુસ પીવાનું ટાળવું જોઈએ કારણ કે તેમાં કુદરતી ખાંડ (Sugar) હોય છે, તેથી શૉટના રૂપમાં મર્યાદિત સેવન જ શ્રેષ્ઠ છે.
