News Continuous Bureau | Mumbai
Protein Rich Fruits and Vegetables આજકાલ શરીરને ફિટ રાખવા માટે પ્રોટીનના નામે બજારમાં મોંઘા સપ્લીમેન્ટ્સ વેચાઈ રહ્યા છે. પરંતુ જો તમે શાકાહારી છો અને મોંઘા પાવડર પાછળ ખર્ચ કરવા નથી માંગતા, તો તમારી રોજની થાળીમાં જ પ્રોટીનથી ભરપૂર ઘણી વસ્તુઓ મળી રહેશે. એક ન્યુટ્રિશનિસ્ટ એ સોશિયલ મીડિયા પર ઓછા બજેટ વાળા હેલ્ધી પ્રોટીન સોર્સ વિશે મહત્વની માહિતી શેર કરી છે.
Protein Rich Fruits and Vegetables – વટાણા અને જામફળ પ્રોટીનના શ્રેષ્ઠ સ્ત્રોત
ન્યુટ્રિશનિસ્ટના જણાવ્યા અનુસાર, જો શાકભાજીની વાત કરીએ તો લીલા વટાણાને પ્રોટીનનો સૌથી બેસ્ટ સોર્સ માનવામાં આવે છે. જ્યારે ફળોમાં જામફળ એક એવું ફળ છે જેમાં સૌથી વધુ પ્રોટીન મળી આવે છે. આ સિવાય કઠોળમાં અડદની દાળ પ્રોટીનથી ભરપૂર હોય છે અને અનાજ કે લોટની વાત કરીએ તો ચણાનો લોટ એટલે કે બેસન પ્રોટીનનો ખૂબ જ સારો અને સસ્તો વિકલ્પ છે.
Protein Rich Fruits and Vegetables – ડ્રાયફ્રૂટ્સ અને સીડ્સ પણ આપશે પૂરતું પ્રોટીન
જો તમે સ્નેક્સ અથવા ટોપિંગ્સ દ્વારા શરીરમાં પ્રોટીનની માત્રા વધારવા માંગો છો, તો બીજ અને ડ્રાયફ્રૂટ્સ શ્રેષ્ઠ ઓપ્શન છે. સૌથી વધુ પ્રોટીન ધરાવતા બીજમાં કોળાના બીજ (પમ્પકિન સીડ્સ) નો સમાવેશ થાય છે અને સૌથી વધુ પ્રોટીન વાળા ડ્રાયફ્રૂટ્સમાં મગફળી સૌથી આગળ છે. આ સિવાય તમામ પ્રકારની દાળ અને ફણગાવેલા કઠોળનું સેવન પણ શાકાહારી લોકો માટે વરદાન સમાન છે.
Protein Rich Fruits and Vegetables – ડેરી પ્રોડક્ટ્સ અને સોયાબીનથી પ્રોટીનની કમી થશે દૂર
આ બધી વસ્તુઓ ઉપરાંત દૂધ અને દહીંમાં પણ સારી માત્રામાં પ્રોટીન જોવા મળે છે. શાકાહારી લોકો માટે સોયાબીન, ટોફૂ અને પનીર પણ પ્રોટીનથી ભરપૂર સુપરફૂડ છે. આ પ્લાન્ટ બેઝ્ડ પ્રોટીન શરીર માટે સૌથી શ્રેષ્ઠ માનવામાં આવે છે. બહારના આર્ટિફિશિયલ સપ્લીમેન્ટ્સ લેવાને બદલે રોજિંદા ખોરાકમાં આ કુદરતી વસ્તુઓનો સમાવેશ કરીને પ્રોટીનની ઉણપને સરળતાથી પૂરી કરી શકાય છે.
👉 આ સમાચાર વાચો:
Guru Nakshatra Parivartan ગુરુ ગ્રહ બદલશે ચાલ! પુષ્ય નક્ષત્રમાં ગોચરથી કઈ ૪ રાશિઓની વધી શકે છે મુશ્કેલીઓ? વાંચો વિગતવાર
