રોકાણ કરવામાં ગુજરાતીઓ આગળ, શેરબજારમાં ઇન્વેસ્ટરોની સંખ્યા આટલા કરોડ સુધી પહોંચી; જાણો રોકાણકારોની યાદીમાં મહારાષ્ટ્ર કયા ક્રમે છે? 

ન્યુઝ કન્ટિન્યુઝ બ્યુરો

મુંબઈ, 22 નવેમ્બર  2021 

સોમવાર  

શેરબજારમાં રોકાણ કરવામાં ગુજરાતીઓની સંખ્યા વધી રહી છે. 

પ્રાપ્ત જાણકારી મુજબ આઈપીઓ અને માર્કેટમાં મળતાં સારા વળતરને કારણે ગુજરાતમાંથી શેરબજારમાં રોકાણ કરનારા લોકોની સંખ્યા બોમ્બે સ્ટોક એક્સચેન્જ પર એક કરોડ પહોંચવા આવી છે.  

21 નવેમ્બરના રોજ બીએસઈ પર ગુજરાતી રોકાણકારોની સંખ્યા 99 લાખ પર પહોંચી ગઈ હતી, જે દેશમાં બીજા ક્રમે સૌથી વધુ સંખ્યા છે. 

મહારાષ્ટ્ર 1 કરોડ 63 લાખ રોકાણકારો સાથે મોખરે છે. 70 લાખ રોકાણકારો સાથે ઉત્તર પ્રદેશ ત્રીજા, 51 લાખ રોકાણકારો સાથે કર્ણાટક ચોથા અને 49 લાખ રોકાણકારો સાથે તમિલનાડુ પાંચમાં ક્રમે છે.

બીએસઈના એમડી અને સીઈઓના જણાવ્યાં મુજબ દેશમાં ઇક્વિટી રોકાણકારોની સંખ્યા સતત વધી રહી છે. 

દેશભરના 8.69 કરોડમાંથી માત્ર ગુજરાતમાં જ એક કરોડ જેટલા રોકાણકારો નોંધાયેલા છે.

પાકિસ્તાનના આ ફાસ્ટ બોલરને માફી નહિ સજા મળી, બાંગ્લાદેશના ખેલાડી સામે આવા કૃત્ય બદલ ICCએ ફટકાર્યો દંડ; જાણો વિગત