ન્યુઝ કન્ટિન્યુઝ બ્યુરો
મુંબઈ, 31 ડિસેમ્બર 2021
શુક્રવાર
ટેલિવિઝન જગતના ફેમસ અને હોટ એક્ટર હર્ષદ ચોપરાને દર્શકો ખૂબ પસંદ કરે છે. હર્ષદ ચોપરાએ 'તેરે લિયે', 'બેપનાહ' જેવી સિરિયલોથી દરેક ઘરમાં પોતાની ઓળખ બનાવી છે. આ સિરિયલો દ્વારા તેણે ટીવી ઈન્ડસ્ટ્રીમાં જબરદસ્ત લોકપ્રિયતા મેળવી છે. હર્ષદ ચોપરાએ છેલ્લા કેટલાક સમયથી એક્ટિંગથી દૂરી બનાવી રાખી હતી.જે બાદ હર્ષદે હવે ફેમસ સીરિયલ 'યે રિશ્તા ક્યા કહેલાતા હૈ'થી કમબેક કર્યું છે. તેમજ, આટલા હેન્ડસમ અને ગુડ લુકિંગ એક્ટર હોવા છતાં, હર્ષદ ચોપરા હજી પણ સિંગલ છે, જેના પર ભાગ્યે જ કોઈ વિશ્વાસ કરી શકે છે.
હર્ષદ ચોપરા 38 વર્ષના છે પરંતુ આજે પણ તેઓ સિંગલ છે. આ વાત ખુદ હર્ષદ ચોપરાએ પોતાના એક ઈન્ટરવ્યુમાં કહી છે અને સાથે જ તેણે લગ્ન કરવાની ઈચ્છા પણ જણાવી છે. મીડિયાને આપેલા એક ઈન્ટરવ્યુમાં હર્ષદ ચોપરાએ પોતાના અંગત જીવન વિશે ઘણી વાતો શેર કરી હતી.તેણે કહ્યું કે તે હાલમાં સિંગલ છે અને કોઈને ડેટ કરી રહ્યો નથી. તેણે કહ્યું કે 'હું સિંગલ છું અને હું પોતે નથી જાણતો કે હું કેમ સિંગલ છું. હું કોઈને પ્રેમ કરવા માંગુ છું અને લગ્ન પણ કરવા માંગુ છું. આશા છે કે હું તમને આ સમાચાર ટૂંક સમયમાં જણાવીશ.હર્ષદે વધુમાં કહ્યું કે 'હું ખરેખર ખૂબ બોરિંગ છું. હું ચાહકો સાથે જોડાવા માટે સોશિયલ મીડિયાનો સહારો લઉં છું, હું તેમની સાથે જોડાવા માટે કોઈ રિયાલિટી શોમાં જવા માંગતો નથી. વર્ષ 2015 માં, તેણે મીડિયા ને એક ઈન્ટરવ્યુ આપ્યો હતો, જેમાં તેણે તેના પહેલા સંબંધને કારણે તેના પર પડેલી અસરો વિશે જણાવ્યું હતું.તે દરમિયાન તેણે કહ્યું હતું કે, 'હું પહેલા પણ રિલેશનશિપમાં રહ્યો છું અને તેના સમાચાર પણ ઘણીવાર સામે આવ્યા છે. આ ઇન્ડસ્ટ્રી જે રીતે કામ કરે છે, મારે મારી જાતને સાચી સાબિત કરવાની જરૂર નથી. હું અત્યાર સુધી જેની સાથે રહ્યો છું તેણે હંમેશા મને એક સારો વ્યક્તિ બનાવ્યો છે.
હર્ષદ ચોપરાના કરિયરની વાત કરીએ તો તેણે 2006માં ટીવી શો 'મમતા'માં એક્ટિંગની શરૂઆત કરી હતી. જે પછી તેને ટીવી શો 'લેફ્ટ રાઈટ લેફ્ટ' મળ્યો. પરંતુ હર્ષદને ટીવી જગતમાં સ્ટાર પ્લસના શો 'કિસ દેશ મેં હૈ મેરા દિલ'થી ઓળખ મળી. આ સિવાય તે 'તેરે લિયે', 'ધર્મપત્ની', 'દિલ સે દી દુઆ: સૌભાગ્યવતી ભવ', 'હમસફર' અને 'બેપનાહ' જેવી પ્રખ્યાત સિરિયલોમાં જોવા મળ્યો. હાલમાં તે 'યે રિશ્તા ક્યા કહેલાતા હૈ'માં જોવા મળે છે.
