News Continuous Bureau | Mumbai
આ દિવસોમાં ઘણી મોટી ફિલ્મોને લઈને જબરદસ્ત ચર્ચાઓ થઈ રહી છે. ઘણાનું શૂટિંગ ચાલી રહ્યું છે અને ઘણી રિલીઝ માટે તૈયાર છે. આ બધાની વચ્ચે, સાઉથ સુપરસ્ટાર અલ્લુ અર્જુનની આગામી ફિલ્મ ‘પુષ્પા 2’ લાઈમલાઈટમાં આવી ગઈ છે. આ ફિલ્મનો પહેલો ભાગ 2021માં આવ્યો હતો જે બ્લોકબસ્ટર સાબિત થયો હતો. હવે આ ફિલ્મના આગામી ભાગ વિશે સતત સમાચાર આવી રહ્યા છે. હાલમાં જ સામે આવેલા અહેવાલો અનુસાર, રશ્મિકા મંડન્નાને ( rashmika mandanna ) ‘પુષ્પા 2’ ( pushpa 2 ) એટલે કે પુષ્પાઃ ધ રૂલમાંથી હટાવી ( replaced ) દેવામાં આવી છે અને તેની જગ્યાએ સાઉથની એક મોટી અભિનેત્રી ( sai pallavi ) જોવા મળશે.
પુષ્પા 2 માંથી રશ્મિકા ની થઇ શકે છે બાદબાકી
‘પુષ્પા’માં અભિનેત્રી રશ્મિકા મંદાના અલ્લુ અર્જુન સાથે શ્રીવલ્લીના રોલમાં જોવા મળી હતી. અર્જુન સાથે તેણીનો ઉગ્ર રોમાંસ હતો અને ચાહકોને બંનેની જોડી પસંદ આવી હતી. તે જ સમયે, શ્રીવલ્લીના પાત્ર માટે રશ્મિકાના વખાણ પણ કરવામાં આવ્યા હતા, પરંતુ હવે મીડિયા રિપોર્ટ્સમાં દાવો કરવામાં આવી રહ્યો છે કે અલ્લુ ફિલ્મમાં રહેશે, રશ્મિકા ની બાદબાકી કરવામાં આવી શકે છે.
આ સમાચાર પણ વાંચો: સ્વાસ્થ્ય જાણકારી : સ્વાદની સાથે ગુણોનો ખજાનો છે અનાનસ, જાણો તેને ખાવાના ફાયદા
રશ્મિકા ના સ્થાને આવી શકે છે સાઉથ ની મોટી અભિનેત્રી
દાવો કરવામાં આવી રહ્યો છે કે આ ફિલ્મમાં રશ્મિકાની જગ્યાએ સાઉથની મોટી અભિનેત્રી સાઈ પલ્લવી જોવા મળી શકે છે. જો કે, એવા પણ રસપ્રદ અહેવાલો છે કે બંને અભિનેત્રીઓ આ ફિલ્મમાં જોવા મળવાની છે. એવું કહેવામાં આવી રહ્યું છે કે રશ્મિકા શ્રીવલ્લીના રોલમાં હશે પરંતુ ફિલ્મમાં સાઈ તેની નણંદ એટલે કે અલ્લુની બહેનની ભૂમિકામાં જોવા મળશે.જો કે આ તમામ અહેવાલોને હજુ સુધી સમર્થન મળ્યું નથી. આટલું જ નહીં સાઈના રોલની વિગતો પણ સામે આવી છે. એવું કહેવામાં આવી રહ્યું છે કે સાઈ આ ફિલ્મમાં 20 મિનિટની ભૂમિકા ભજવતી જોવા મળશે અને તેનો રોલ આદિવાસી છોકરીનો હશે.
