News Continuous Bureau | Mumbai
Rashmika Mandanna 30th Birthday: સાઉથ અને બોલિવૂડની લોકપ્રિય અભિનેત્રી રશ્મિકા મંદાનાએ તાજેતરમાં તેનો ૩૦મો જન્મદિવસ ઉજવ્યો હતો. લગ્ન બાદ આ તેનો પ્રથમ જન્મદિવસ હોવાથી તે ખૂબ જ ખાસ રહ્યો હતો. રશ્મિકાએ તેના વતન કુર્ગ (કોડાગુ) માં પતિ વિજય દેવરકોંડા અને પરિવાર સાથે અત્યંત સાદગીથી આ દિવસની ઉજવણી કરી હતી. આ પ્રસંગે રશ્મિકાના પિતાએ તેને એક કરોડોની કિંમતનો લક્ઝરી બંગલો ભેટમાં આપવાની જાહેરાત કરી છે.રશ્મિકાએ સોશિયલ મીડિયા પર શેર કરેલી તસવીરોમાં તે તેના પરિવાર સાથે ખૂબ જ ખુશ દેખાઈ રહી છે. તેના પિતાએ ગિફ્ટમાં આપેલા બંગલાનું નામ ‘સેરેનિટી’ રાખવામાં આવ્યું છે. રશ્મિકાના જન્મદિવસે આખા પરિવારે કુર્ગના પવિત્ર ‘પાડી શ્રી ઇગ્ગુથપ્પા મંદિર’ ના દર્શન પણ કર્યા હતા, જે ભગવાન સુબ્રમણ્યમને સમર્પિત છે.
આ સમાચાર પણ વાંચો : Raaka Movie: અલ્લૂ અર્જુનનો ‘રાકા’ અવતાર: પૌરાણિક ગાથા અને આધુનિક એક્શનનો સંગમ, જાણો કેમ ચર્ચાઈ રહ્યું છે ‘રામાયણ’ કનેક્શન
કોડાવા સાડી અને પરંપરાગત લુક
લગ્ન પછીના પ્રથમ જન્મદિવસ પર રશ્મિકાએ તેના મૂળ કલા-સંસ્કૃતિને જાળવી રાખતા પરંપરાગત કોડાવા સાડી પહેરી હતી. આ પ્રકારની સાડીમાં પાટલીઓ પાછળની બાજુ હોય છે અને છેડો જમણા ખભા પર પિન કરવામાં આવે છે. આ લુકમાં રશ્મિકા અત્યંત સુંદર લાગી રહી હતી. વિજય દેવરકોંડા પણ આ કૌટુંબિક ઉજવણીમાં તેની સાથે સતત હાજર રહ્યો હતો.
View this post on Instagram
જણાવી દઈએ કે રશ્મિકા અને વિજય દેવરકોંડાએ ૨૬ ફેબ્રુઆરી ૨૦૨૬ ના રોજ ઉદયપુરમાં ખાનગી સમારોહમાં લગ્ન કર્યા હતા. ત્યારબાદ ૪ માર્ચના રોજ હૈદરાબાદમાં ભવ્ય રિસેપ્શન યોજાયું હતું, જેમાં ફિલ્મ ઈન્ડસ્ટ્રીના દિગ્ગજો હાજર રહ્યા હતા. લગ્નને હજુ દોઢ મહિનો જ થયો છે, ત્યારે આ બર્થડે સેલિબ્રેશનની તસવીરો ફેન્સમાં વાયરલ થઈ રહી છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
