ન્યુઝ કન્ટિન્યુઝ બ્યુરો
મુંબઈ. 15 ડિસેમ્બર 2021
બુધવાર.
આંતરરાષ્ટ્રીય ટીમ બ્રિક્સ દેશોમાં ચિકિત્સકો અને નીતિ નિર્માતાઓને રોગના ભાવિ સ્વરૂપો (દક્ષિણ આફ્રિકા ઓમિક્રોન) સાથે વધુ સારી રીતે વ્યવહાર કરવામાં મદદ કરવા માટે, વાયરસ સંબંધિત પ્રયોગશાળા, ક્લિનિકલ અને રોગચાળાના અનુભવોની માહિતીનું આદાનપ્રદાન કરશે.કોરોના વાયરસનો ઓમિક્રોન વેરિઅન્ટનો સૌપ્રથમ કેસ દક્ષિણ આફ્રિકામાં મળી આવ્યો હતો. ત્યારથી આ વેરિઅન્ટના કેસ અહીં ઝડપથી વધી રહ્યા છે. હવે સરકારે વૈજ્ઞાનિકોને અહીં વેરિયન્ટ્સ પર સંશોધન કરવા માટે આમંત્રિત કર્યા છે.દક્ષિણ આફ્રિકાના રાષ્ટ્રપતિ સિરિલ રામાફોસાએ બ્રિક્સ દેશોના વૈજ્ઞાનિકોને કોવિડ-૧૯ વાયરસના લક્ષણો અને તેના વિવિધ પ્રકારો પર સંશોધન કરવા આમંત્રણ આપ્યું છે, જેઓ દક્ષિણ આફ્રિકાના વૈજ્ઞાનિકો સાથે મળીને કામ કરશે. બ્રિક્સએ ઊભરતી રાષ્ટ્રીય અર્થવ્યવસ્થાઓનો સમૂહ છે અને તેના સભ્યો બ્રાઝિલ, રશિયા, ભારત, ચીન અને દક્ષિણ આફ્રિકા છે. દક્ષિણ આફ્રિકા હાલમાં ‘બ્રિક્સ વેક્સિન રિસર્ચ સેન્ટર’નું યજમાન છે અને આ કેન્દ્રમાં ઓમિક્રોન વેરિઅન્ટ્સ પર સંશોધન કરવામાં આવશે.રામાફોસાએ આ નિવેદન આપ્યાના થોડા સમય પછી તે કોરોના વાયરસથી સંક્રમિત જાેવા મળ્યા હતા અને તે રવિવારથી આઇસોલેશનમાં રહે છે. રામાફોસાએ કહ્યું, ‘બ્રિક્સ દેશો વચ્ચે સહકારનો ઉદ્દેશ્ય કોવિડ-૧૯ વાયરસ અંગેના આપણા જ્ઞાનને વિસ્તૃત કરવાનો છે. જે માત્ર સભ્ય દેશોના લાભ માટે જ નહીં, પરંતુ વૈશ્વિક સમુદાય માટે પણ વ્યાપક બનાવવાનો છે. કાર્યકારી જૂથનું નેતૃત્વ કરવા માટે પ્રોફેસર કોલેકા મલિસાનાને કોરોના પ્રધાન સલાહકાર પરિષદના અધ્યક્ષ તરીકે નિયુક્ત કરવામાં આવ્યા છે. આ ટાસ્ક ફોર્સ જીનોમ સિક્વન્સિંગના ક્ષેત્રમાં અન્ય મ્ઇૈંઝ્રજી દેશોના સમકક્ષો સાથે કામ કરશે. બ્રિક્સ દેશો વચ્ચે સહકાર માટેનું આ આમંત્રણ રોગચાળાનો સામનો કરવા માટે સજ્જતા અને પ્રતિભાવોને મજબૂત કરવાના પ્રયાસોનો એક ભાગ છે. આ સપ્ટેમ્બર ૨૦૨૧માં ૧૩મી બ્રિક્સ સમિટમાં અપનાવવામાં આવેલી નવી દિલ્હી ઘોષણા સાથે સુસંગત છે.રામાફોસાએ કહ્યું, ‘માનવતા ત્યારે જ આ રોગચાળામાંથી જીતી શકશે જ્યારે વિશ્વભરના દેશો માહિતી, કુશળતા અને સંસાધનોની વહેંચણી કરીને નજીકના સહકારથી કામ કરશે. આ સહકાર એકતા, ભાગીદારી અને પરસ્પર આદરના સિદ્ધાંતો પર આધારિત હોવો જાેઈએ.
