News Continuous Bureau | Mumbai

AI: મુંબઈ પોલીસે પહેલીવાર આર્ટિફિશિયલ ઇન્ટેલિજન્સ (AI) ટેક્નોલોજીનો ઉપયોગ કરીને બે ગુનેગારોને ચોરીના મુદ્દામાલ સાથે પકડી પાડ્યા છે. મુલુન્ડ પોલીસ સ્ટેશને (Mulund Police Station) આ ટેક્નોલોજીનો ઉપયોગ કરીને  ચોરીના બે આરોપીઓને ઠાણે અને મુમ્બ્રા વિસ્તારમાંથી પકડીને ચોરીનો મુદ્દામાલ જપ્ત કર્યો છે.

 

ચોરીની ઘટના

મુલુન્ડ પશ્ચિમ મુલુન્ડ કોલોનીમાં રહેતા કુનાલ ગણપત રાઠોડ (Kunal Ganpat Rathod) (36) 24 માર્ચની રાત્રે 11 વાગ્યે મુલુન્ડ કોલોની મલબાર હિલ રોડ પર ઉભા હતા, ત્યારે બાઇક પર આવેલા બે જણામાંથી એકે કુનાલ રાઠોડના હાથમાં રહેલો મોબાઇલ ફોન ખેંચી લીધો અને ભાગી ગયો. આ મામલે મુલુન્ડ પોલીસ સ્ટેશનમાં  ચોરીનો ગુનો દાખલ કરવામાં આવ્યો હતો.

 

AI ટેક્નોલોજીનો ઉપયોગ

વરિષ્ઠ પોલીસ નિરીક્ષક અજય જોષી (Ajay Joshi)ના માર્ગદર્શન હેઠળ  ગણેશ મોહિતે, કિરણ ચવ્હાણ, મોહન નિકમ, વિવેક શિંપી અને મનોજ મોરેના તપાસ દળે આ ગુનાનો તપાસ શરૂ કરી. એક તપાસ દળે મુલુન્ડ વિસ્તારમાંના CCTV તપાસી ગુનામાં ઉપયોગમાં લેવાયેલી બાઇકની ઓળખ કરી અને બીજા તપાસ દળે ફરિયાદીનો ચોરી ગયેલા મોબાઇલ ફોનમાં લોગ ઇન થયેલો ઇમેઇલ આઈડી અને પાસવર્ડની માહિતી મેળવી. ગુગલ ડેશબોર્ડ આ આર્ટિફિશિયલ ઇન્ટેલિજન્સ (AI) ટેક્નોલોજીનો ઉપયોગ કરીને મુમ્બ્રા, ઠાણે વિસ્તારમાંથી ચોરી ગયેલો મોબાઇલ અને ગુનામાં ઉપયોગમાં લેવાયેલી બાઇક સાથે બે આરોપીઓને પકડી પાડ્યા.

આ સમાચાર પણ વાંચો: BMC: હવે મુંબઈમાં ખુલ્લામાં કચરો સળગાવ્યો છે તો ખબરદારન, હજારો રૂપિયાનો દંડ થશે.

આરોપીઓની ઓળખ

મુજમિલ સલીમ મુલાની (26) અને બિસુરાજ ભરત અધિકારી (29) એમ પકડાયેલા બે આરોપીઓના નામ છે. મુજમિલ સ્વિગી ડિલિવરી બોય છે અને તળોજા નવિ મુંબઈમાં રહે છે. બિસુરાજ ખિંડિપાડા દરગા રોડ, મુલુન્ડ પશ્ચિમમાં રહે છે. મુજમિલ વિરુદ્ધ મુલુન્ડ અને ભાંડુપ પોલીસ સ્ટેશનમાં ઘરફોડી અને ચોરીના અનેક ગુના દાખલ છે, એવી માહિતી અજય જોષીએ આપી.