News Continuous Bureau | Mumbai

Mumbai: મુંબઈકરોની જમા થયેલી મૂડીમાંથી લગભગ 7 ટકા રકમ ખર્ચાઈ ગઈ છે. આ પરાક્રમ રાજ્યની શિંદે સરકાર ( State Government ) દ્વારા કરવામાં આવ્યું છે. હકીકતમાં, જ્યારે શિવસેના ( Shiv Sena ) મહાનગરપાલિકાનો પ્રભારી હતો, ત્યારે તેણે મુંબઈવાસીઓ પાસેથી ટેક્સ ( Tax ) તરીકે મળેલી રકમમાંથી રૂ. 92,636 કરોડની એફડી ( FD ) કરી હતી. હવે રાજ્ય સરકાર પાસે મહાનગરપાલિકાના ( BMC )  રૂ. 8,936 કરોડનું દેવું છે, પરંતુ તે આપવાને બદલે સરકારે ખર્ચ માટે એફડીની લગભગ 7 ટકા રકમ ઉપાડી લીધી છે. જેના કારણે મહાનગરપાલિકાની આર્થિક સ્થિતિ કથળી જવાની કટોકટી સર્જાઈ છે. 

નોંધનીય છે કે, મુંબઈ મહાનગરપાલિકાના કામકાજમાં ‘ED’ સરકારની મોટી દખલગીરી થઈ છે અને કરોડો રૂપિયાના કૌભાંડો પણ થયા છે. આ બધાની વચ્ચે એક ચોંકાવનારી માહિતી સામે આવી છે કે મુંબઈ મહાનગરપાલિકાના 8,938 કરોડ રૂપિયા શિંદે સરકાર દ્વારા પચાવી લેવામાં આવ્યા છે. જેમાં પ્રોપર્ટી ટેક્સ ( property tax ) , વોટર ટેક્સ અને પ્રાથમિક અને માધ્યમિક શિક્ષણ વિભાગ સહિત અનેક વિભાગોના લેણાંનો સમાવેશ થાય છે. જો કે આ બાબતે મહાનગરપાલિકા પ્રશાસન દ્વારા વારંવાર ફોલોઅપ કરવા છતાં આ સરકાર સતત બેદરકારી દાખવી રહી છે. જેની સીધી અસર મહાનગરપાલિકાની બચત અને કામકાજ પર પડી રહી છે. જેના કારણે મુંબઈકરોને ભારે નુકસાન વેઠવું પડી રહ્યું છે.

પ્રાપ્ત માહિતી મુજબ, શિંદે સરકારના સમયગાળા દરમિયાન, મ્યુનિસિપલ ટ્રેઝરી અને ભવિષ્યને સુરક્ષિત રાખવા માટે FDના ખર્ચને કારણે તે રૂ. 92,636 કરોડથી ઘટીને રૂ. 86,401 કરોડ પર આવી ગયું છે.

 મહાનગરપાલિકાની આર્થિક સ્થિતિ ગંભીર બનવાની ભીતિ સેવાઈ રહી છે..

એક અહેવાલ મુજબ, મહાનગરપાલિકાની આર્થિક સ્થિતિ ગંભીર બનવાની ભીતિ સેવાઈ રહી છે. આવી સ્થિતિમાં રાજ્ય સરકાર દ્વારા મહાનગરપાલિકાને આપાવામાં આવતા રકમ બહાર પાડવામાં ન આવતાં શહેરમાં વિકાસ કાર્યોને અસર થઈ રહી છે. દરમિયાન, વર્ષ 2019માં ખોટમાં રહેલી મહાનગરપાલિકા વર્ષ 2022 સુધી એટલે કે 4 વર્ષમાં જ્યારે શિવસેના (ઉદ્ધવ બાળાસાહેબ ઠાકરે) સત્તામાં હતી ત્યારે નફામાં હતી. શિવસેના પક્ષ પ્રમુખ ઉદ્ધવ ઠાકરેના નેતૃત્વમાં મુંબઈની આયોજિત કામગીરીને કારણે સંચિત મૂડીમાં વધારો થયો હતો. તેમાં સૌથી મહત્વની વાત એ છે કે આ સમયગાળા દરમિયાન દર વર્ષે 10,000 કરોડ રૂપિયાના વિકાસ કાર્યો પણ શરૂ કરવામાં આવ્યા હતા. જો કે હવે શિંદે સરકાર માત્ર મનપાની જમા રકમ પર નજર રાખી રહી છે.

આ સમાચાર પણ વાંચો :  Mumbai: મુંબઈના રાષ્ટ્રીય ઉદ્યાન પર તોળાઈ રહ્યો છે ખતરો , વિકાસ પ્રોજેક્ટ માટે જંગલ વિસ્તારની જમીનનો ઉપયોગ કરવા સરકારે આપી મંજૂરી..

અહેવાલમાં વધુમાં જણાવાયુ છે કે, જો ભવિષ્યમાં પણ આ રીતે મૂડી ખર્ચ થતી રહેશે તો મહાનગરપાલિકા પાસે તેના કર્મચારીઓને પગાર ચૂકવવા માટે પણ પૈસા બચશે નહીં. આ પ્રકારનો ભય પણ વ્યક્ત કરવામાં આવી રહ્યો છે. મુંબઈ મહાનગરપાલિકાની આવકનો મુખ્ય સ્ત્રોત ટોલ વસૂલાત હતો જે વર્ષ 2017માં બંધ થઈ ગઈ હતી. તેથી મહાનગરપાલિકાની આવકને અસર થઈ છે. વિકાસના કામો પાછળ મોટી રકમની એફડી ખર્ચવી પડે છે.

આ બધા વચ્ચે મહાનગરપાલિકાના મહત્વના વિભાગોના બાકી લેણાં છે. જેના કારણે વિકાસના કામોને અસર થવાની ભીતિ તોળાઈ રહી છે. પ્રાથમિક અને માધ્યમિક શિક્ષણ વિભાગના બાકી લેણાંના કારણે શિક્ષકોના પગાર પણ સંકટમાં છે. આ લેણાં વસૂલવા માટે મહાનગરપાલિકા દ્વારા સ્વતંત્ર સેલ બનાવવામાં આવ્યો છે. દર ત્રણથી છ મહિને સરકારના 26 ડિફોલ્ટર વિભાગોને મ્યુનિસિપલ કમિશનરની સહી સાથે પત્ર મોકલવામાં આવે છે. આ ઉપરાંત શહેરી વિકાસ વિભાગને પણ આ માહિતી આપવામાં આવી છે. જો કે રાજ્ય સરકાર કે શહેરી વિકાસ વિભાગ દ્વારા આ અંગે કોઈપણ પ્રકારની દખલગીરી કરવામાં આવતી નથી.