News Continuous Bureau | Mumbai
મહારાષ્ટ્રમાં લાંબા સમયથી અટકેલી સ્થાનિક સ્વરાજ્યની ચૂંટણીઓ અંગે સુપ્રીમ કોર્ટે આજે એક મહત્વપૂર્ણ ચુકાદો આપ્યો છે. કોર્ટે રાજ્ય ચૂંટણી પંચને ૩૧ જાન્યુઆરી, ૨૦૨૬ સુધીમાં તમામ સ્થાનિક સંસ્થાઓની ચૂંટણીઓ યોજવાનો નિર્દેશ આપ્યો છે. કોર્ટે સ્પષ્ટ કહ્યું છે કે આ છેલ્લી તક છે અને આ પછી કોઈ પણ સંજોગોમાં વધુ સમય આપવામાં આવશે નહીં.
ન્યાયમૂર્તિ સૂર્ય કાંત અને ન્યાયમૂર્તિ જોયમલ્ય બાગચીની ખંડપીઠે ચૂંટણી પ્રક્રિયામાં વિલંબ બદલ રાજ્ય ચૂંટણી પંચની આકરી ઝાટકણી કાઢી હતી. અગાઉ, ૬ મેના રોજ કોર્ટે ચાર મહિનામાં ચૂંટણી પ્રક્રિયા પૂર્ણ કરવાનો આદેશ આપ્યો હતો, પરંતુ પંચ તે સમયમર્યાદાનું પાલન કરવામાં નિષ્ફળ રહ્યું.
પંચે કોર્ટને જણાવ્યું હતું કે EVMની અછત, બોર્ડ પરીક્ષાઓને કારણે શાળાના મકાનોની અનુપલબ્ધતા અને સ્ટાફની જરૂરિયાત જેવા કારણોસર વિલંબ થયો છે. આ દલીલોને ફગાવતા કોર્ટે કહ્યું કે માર્ચ, ૨૦૨૬માં યોજાનારી બોર્ડ પરીક્ષાઓ ચૂંટણીમાં વિલંબનું કારણ ન બની શકે.
આ સમાચાર પણ વાંચો : Andheri suicide case: અંધેરીમાં ૩૪ વર્ષીય યુવકે કર્યો આપઘાત
કોર્ટે રાજ્ય ચૂંટણી પંચને બે અઠવાડિયામાં સ્ટાફની જરૂરિયાત અંગે મુખ્ય સચિવને વિગતો રજૂ કરવાનો આદેશ આપ્યો છે. મુખ્ય સચિવને ચાર અઠવાડિયામાં જરૂરી સ્ટાફ પૂરો પાડવાનો નિર્દેશ આપવામાં આવ્યો છે. તેવી જ રીતે, EVMની ઉપલબ્ધતા અંગે ૩૦ નવેમ્બર સુધીમાં સોગંદનામું દાખલ કરવા પણ કહેવામાં આવ્યું છે.
નોંધનીય છે કે, મે મહિનામાં કોર્ટે ૨૦૨૨ થી અટકેલી ચૂંટણીઓ ફરી શરૂ કરવાનો વચગાળાનો આદેશ આપ્યો હતો. તે સમયે કોર્ટે કહ્યું હતું કે, “લોકશાહીનો પાયો ગ્રામીણ સ્તરેથી જ મજબૂત થાય છે અને નિયમિત ચૂંટણીઓ થવી અત્યંત જરૂરી છે.
